কথাতেই কোৱা হয়, যিসকলে কঠোৰ পৰিশ্ৰম কৰে তেওঁলোকৰ হাততেই সাফল্যৰ ব্ৰহ্মাস্ত্ৰ আছে৷ আমা দেশত UPSC আটাইতকৈ কঠিন পৰীক্ষাসমূহৰ ভিতৰত এটা৷ প্ৰতিবছৰে হাজাৰ হাজাৰ প্ৰাৰ্থীয়ে এই পৰীক্ষাত পৰীক্ষাত অংশগ্ৰহণ কৰিলেও তেওঁলোকৰ মাজত মাত্ৰ কেইগৰাকীমানেহে সফল হয়৷ আকৌ তেওঁলোকৰ ভিতৰত মাত্ৰ কেইগৰাকীমানেহে প্ৰথম প্ৰচেষ্টাতেই এই পৰীক্ষাত সফল হয়৷
প্ৰথমবাৰতেই UPSC উত্তীৰ্ণ হ’ল সুলোচনা
মাত্ৰ ২২ বছৰ বয়সতেই UPSC পাছ কৰি IAS অফিচাৰ হৈছে সুলোচনা৷ মূলত আমি IAS সুলোচনা মীনাৰ কথা ক’ব খুজিছো৷ তেওঁ প্ৰান্তিয় এথন গাওঁৰ পৰা ওলাই গৈ এই পৰীক্ষাত সফল হৈছে৷ সুলোচনা মীনা ৰাজস্থানৰ ছৱাই মাধোপুৰ গাওঁৰ বাসিন্দা৷ তেওঁ ৰাজস্থানৰ পৰাই দ্বাদশ শ্ৰেণী উত্তীৰ্ণ হৈছে৷ ইয়াৰ পাছতেই সুলোচনা পঢ়াশুনাৰ বাবে দিল্লীলৈ যায়৷ সুলোচনা মীনা উদ্ভিদবিজ্ঞানত স্নাতক ডিগ্ৰীধাৰী৷ স্নাতক উত্তীৰ্ণ হোৱাৰ পাছতেই প্ৰতিদিনে ৮ৰ পৰা ৯ঘণ্টাকৈ পঢ়ি UPSCৰ বাবে সাজু হৈছিল সুলোচনা৷ সুলোচনাই জনোৱা অনুসৰি তেওঁ UPSCৰ মক টেষ্টক যথেষ্ট প্ৰাধান্য দিছিল৷ ইয়াৰোপৰি তেওঁ ইউটিউব আৰু টেলিগ্ৰামত বিনামূলীয়াকৈ উপলব্ধ তথ্যসমূহ পঢ়িছিল৷ লগতে NCERTৰ কিতাপসমূহো পঢ়িছিল৷
মাত্ৰ ২২ বছৰ বয়সতেই IAS হৈছে সুলোচনা৷ সুলোচনাই কঠোৰ পৰিশ্ৰম কৰি ২০২১ চনত তেওঁ প্ৰথমবাৰৰ বাবে UPSC পৰীক্ষাত অংশগ্ৰহণ কৰে৷ তেওঁৰ কঠোৰ পৰিশ্ৰম ফলপ্ৰসু হৈছে আৰু তেওঁ সৰ্বভাৰতীয় স্কৰত ৪১৫ স্থান দখল কৰিছে৷ ইয়াৰোপৰি ST বিভাগত তেওঁ ভাৰতৰ মাজত ষষ্ঠ স্থানত আছে৷ আৰু এনেকৈয়ে তেওঁ মাত্ৰ ২২ বছৰ বয়সত IAS অফিচাৰ হয়৷ সুলোচনা মীনা বৰ্তমান ঝাৰখণ্ডত কৰ্মৰত হৈ আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
