হাঁহি থকাৰ মাজতে হঠাতে কান্দি দিলে ববী দেউলে, ছানী দেউলৰো সেমেকি উঠিল চকু
কপিল শৰ্মাৰ হাস্যমধুৰ অনুষ্ঠানত হাঁহি থকাৰ মাজতে হঠাতে কান্দি পেলালে দেউল ভাতৃয়ে। ববী দেউলে চকু পানী টোকাৰ বিপৰীতে জ্যোষ্ঠ ভাতৃ ছানী দেউলৰো সেমেকি উঠে চকু।
দ’ গ্ৰেট ইণ্ডিয়ান কপিল শৰ্মাৰ সদ্যহতে প্ৰসাৰিত হৈ যোৱা এক অনুষ্ঠানত আলহী হৈ আহিছিল দেউল ভাতৃ। সেই অনুষ্ঠানতে ছানী আৰু ববী দেউলে তেওঁলোকৰ ২০২৩ চনৰ সফলতাৰ কাহিনী কৈ আছিল। য’ত ছানী দেউলৰ গাদাৰ ২ ছবিখন ব্লকবাষ্টাৰ হৈছিল, আনহাতে এনিমেল ছবিখনত ববীৰ নেতিবাচক ভূমিকাই বহু খ্যাতি কঢ়িয়াই আনিছিল। ‘ৰ’কী ঔৰ ৰ’কী কি প্ৰেম কাহিনী’ চিনেমাখনৰো ধৰ্মেন্দ্ৰৰ চৰিত্ৰ বাতৰিৰ শিৰোনামত আছিল।
এই ক্ষেত্ৰতে ববী দেউলে অনুষ্ঠানটোত কৈ আছিল যে, “মই সুখী মোৰ দাদই গাদাৰৰ পিছত ২২ বছৰ ধৰি অপেক্ষা কৰি পুনৰ গাদাৰ ২ ত সেই সফলতা লাভ কৰি। সেই একেটা বৰ্ষতে দেউতাৰো সফল ছবি আহে। তাৰ পাছত মোৰো ছবি হিট হৈ পৰে। এনেদৰে একেলগে ঘৰলৈ সকলোৰে বাবে সফলতা আহে। বিশেষকৈ দেউতাই আমাৰ এই সফলতাক বহুত সুখি হয়।”
আনহাতে ছানী দেউলে কয় যে, ‘বহু বছৰ হ’ল আৰু এই সময়ছোৱাত বহু ঘটনা ঘটিছে। আমি যৎপৰোনাস্তি চেষ্টা কৰি আছিলো এনে সফলতাৰ বাবে। দেউতা ১৯৬০ চনৰ পৰাই বলীউডত আছে আৰু আমিয়ো বহু বছৰ বছৰ ধৰি বহু কাম কৰিলো। কিন্তু এইবাৰ আমি মানুহৰ পৰা ইমান মৰম পাই আছো, যেন হঠাতে ভগৱান নিজেই আবিৰ্ভাৱ হৈছে!’
এই কথা শুনিয়ে চকুপানী ওলাই পৰে ববী দেউলৰ আনহাতে ছানী দেউলৰো চকু সেমেকি উঠে। হাঁহিৰ মাজতে সুখৰ চকুলো নিগৰে দেউল ভাতৃদ্বয়ৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
