সুদক্ষিণা ভূঞাঃ গছ-লতা, জীৱ-জন্তু আৰু এই সমস্ত জীৱ জগত সূৰ্যৰ ৰশ্মিৰ ওপৰত নিৰ্ভৰশীল। সূৰ্যই হৈছে মূল চালিকা শক্তি। বিশ্বজগতৰ কাৰণে সূৰ্যই হৈছে মূল সঞ্জীৱনী বা প্ৰাণদায়িনী শক্তি। সূৰ্যটো পূবৰ পৰা পশ্চিমলৈ গতি কৰা প্ৰক্ৰিয়াটোৰ লগত জীৱ জগতৰ ওতপ্ৰোত সম্বন্ধ আছে। কাৰণ এই গোটেই সময়ছোৱাত সৃ্ৰ্যৰ ৰশ্মিৰ প্ৰভাৱ জীৱজগতৰ ওপৰত ভিন্ন। তদুপৰি সূৰ্য চন্দ্ৰ আৰু বতাহৰ শক্তিয়ে গৃহ নিৰ্মাণৰ প্ৰক্ৰিয়াত প্ৰভাৱ পেলায়।
ঘৰবোৰ যদি প্ৰকৃতিৰ লগত সামঞ্জস্য ৰাখি সজা হয়, এই প্ৰাকৃতিক শক্তিসমূহৰ কু-প্ৰভাৱ দূৰ কৰাৰ লগতে সু-প্ৰভাৱসমূহৰ উপকাৰী গুণ সংগ্ৰহ কৰিব পৰা যায়।
ৰাতিপুৱাৰ সূৰ্যৰ ৰশ্মিয়ে ঘৰৰ ভিতৰৰ প্ৰতিটো চুক-কোণ যাতে পোহৰাই তোলে, এই কথাটো নিশ্চিত কৰিব লাগে। কিয়নো ৰাতিপুৱাৰ সূৰ্যৰ ৰশ্মি ভিটামিন ‘ডি’ৰে পৰিপূৰ্ণ। আৰু ভিটামিন ‘ডি’ আমাৰ স্বাস্থ্যৰ বাবে অতিকে প্ৰয়োজনীয়। তাৎপৰ্যপূৰ্ণভাৱে ভিটামিন ‘ডি’ প্ৰকৃতিত প্ৰায় দুৰ্লভ। মানৱ শৰীৰে সূৰ্যৰ পৰাই এই মূল্যবান ভিটামিনবিধ প্ৰত্যক্ষভাবে আহৰণ কৰিব পাৰে। ইয়াৰ বিপৰীতে পিছবেলাৰ সূৰ্যৰ ৰশ্মিত তেজষ্ক্ৰিয় প্ৰক্ৰিয়াৰ সৃষ্টি হয় আৰু মানৱ শৰীৰকে ধৰি জীৱ জগতৰ প্ৰায়বোৰ সদস্যৰ বাবে এই ৰশ্মি অপকাৰী আৰু কু-প্ৰভাৱদায়ক।
লগতে পঢ়ক ৭ হাজাৰ বিলাসী বাহন, ২৫৫০ কোটিৰ ৰাজপ্ৰসাদ, কে’বাখনো জেট বিমানৰ মালিক, এওঁ কোন?
সেয়েহে ঘৰ এটা নিৰ্মাণ কৰোতে পিছবেলাৰ সূৰ্যৰ ৰশ্মিৰ পৰিমাণ যাতে হ্ৰাস কৰিব পাৰি, সেই কথাটোত গুৰত্ব আৰোপ কৰিব লাগে।
যেতিয়া এটা ঘৰ দক্ষিণ বা পশ্চিম দিশত নিৰ্মাণ কৰা হয়, পূৱ আৰু উত্তৰ দিশৰ ভেটি দুটা সুষমভাৱে চাপৰ হ’ব লাগে, যাতে ঘৰটোৰ ভিতৰৰ পশ্চিম দিশৰ কোঠাবোৰলৈও বাধাহীনভাৱে ৰাতিপুৱাৰ সূৰ্যৰ ৰশ্মি বিয়পি পৰে। কিয়নো পুৱাৰ সূৰ্যৰ ৰশ্মিত প্ৰচুৰ পৰিমাণে থকা ভিটামিন ‘ডি’ ‘এফ’ আৰু ‘এ’— এই উপাদানসমূহ শৰীৰৰ প্ৰয়োজন সাপেক্ষে তেজৰ কোষৰ দ্বাৰা সূৰ্যৰ ৰশ্মিৰ পৰাই আহৰণ কৰি লয়।
ঘৰৰ পূৱ দিশৰ ভেটিটো, পশ্চিম দিশৰ ভেটিটোতকৈ চাপৰ হোৱাৰ লগতে পূৱ দিশটো আহল বহল হ’ব লাগে, যথেষ্ট পৰিমাণে দুৱাৰ-খিৰিকী থাকিব লাগে আৰু যিমান পৰা যায় এই দুৱাৰ- খিৰিকীবোৰ আহল-বহল হ’ব লাগে। যাতে ওপৰত উল্লিখিত প্ৰতিটো মূল্যৱান, আৰোগ্যকাৰী, ঔষধিযুক্ত উপাদানসমূহ আহৰণ কৰি উপকৃত হ’ব পৰা যায়।
লগতে পঢ়ক ‘বিবাহ পূৰ্ব যৌনতা প্ৰকৃত প্ৰেম নহয়, অত্যধিক যৌনতাই সম্পৰ্ক ধ্বংস কৰে!’ এই বিতৰ্কিত মন্তব্য কাৰ?
আনহাতে ঘৰৰ পশ্চিম দিশটোৰ খিৰিকীবোৰ সৰু আকাৰৰ হ’ব লাগে। কিন্তু পূৱ দিশৰ দৰেই মুকলি, বাধাহীন হ’ব লাগে। এই দিশত থকা কোঠাবোৰৰ ভিতৰৰ দুৱাৰবোৰ পূৱৰ দৰেই আহল বহল হ’ব লাগে; যাতে বাধাহীনভাৱে সূৰ্যৰ ৰশ্মি আৰু বতাহ প্ৰৱেশ কৰিব পাৰে। কিয়নো এনেক্ষেত্ৰত উত্তৰৰ পৰা দক্ষিণলৈ গতি কৰা ‘চুম্বকীয় ঢৌ’ বতাহৰ লগত ওলাই যাব পাৰে। ইয়াৰ দ্বাৰা ঘৰটোৰ ভিতৰত পুঞ্জীভূত আৱদ্ধ দুষিত বিষাক্ত বতাহ নিবাৰণ হয় বা হ্ৰাস হয়।
পশ্চিম দিশৰ ভেটিটো ওখ হোৱা, বেৰবোৰ ডাঠ হোৱা, খটখটি নিৰ্মাণ কৰা, গধূৰ মেচিনেৰী সামগ্ৰী আৰু আন গধূৰ সামগ্ৰী প্ৰতিষ্ঠা কৰা, ভঁৰাল প্ৰতিষ্ঠা কৰা ইত্যাদি কাৰ্যৰ অন্তৰালৰ কাৰণ হ’ল ঘৰৰ ভিতৰৰ পশ্চিম দিশটোত সূৰ্যৰ উত্তাপৰ উচিত সমতা স্থাপন কৰা আৰু সূ্ৰ্যৰ প্ৰখৰ ৰশ্মিৰ পৰা ঘৰৰ ভিতৰৰ দক্ষিণ, পশ্চিম দিশ দুটা সুৰক্ষিত কৰা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
