পঢ়া-শুনাৰ সময়ত শিক্ষাৰ্থীয়ে সাধাৰণ ধেমালি তথা অমনোযোগ দিয়াটো তেনেই স্বাভাৱিক। কিন্তু বহু সময়ত ছাত্ৰ-ছাত্ৰীয়ে দুষ্টামিৰ নামত অপৰাধোমূলক কাৰ্যও সংঘটিত কৰে৷
এতিয়া এনে এক কাণ্ড পোহৰলৈ আহিছে৷ সংবাদ মাধ্যমত প্ৰকাশিত খবৰ মতে অনলাইন ক্লাছৰ সময়ত দুই শিক্ষাৰ্থীয়ে জুমবম্বিঙেৰে এখন পৰ্ণ ফিল্ম প্ৰদৰ্শন কৰি আৰু তাৰ পিছত নিজৰ গুপ্তাংগ দেখুৱাবলৈ আৰম্ভ কৰিছিল। ঘটনাটো মধ্য প্ৰদেশৰ ভূপালত সংঘটিত হৈছে৷ ইতিমধ্যে আৰক্ষীয়ে দুই অভিযুক্ত শিক্ষাৰ্থীক গ্ৰেপ্তাৰ কৰিছে৷
ঘটনাৰ বিৱৰণীৰ মতে এপ ভিত্তিক কোচিঙৰ শিক্ষাৰ্থীসকল অনলাইন ক্লাছত ব্যস্ত আছিল। হঠাতে ক্লাছৰ মাজতে এখন পৰ্ণ চিনেমা চলিবলৈ ধৰিলে। এই কথা দেখি শিক্ষয়িত্ৰী আৰু সকলো শিক্ষাৰ্থী স্তম্ভিত হৈ পৰে। কোনোৱে একো বুজি পোৱাৰ আগতেই অভিযুক্ত শিক্ষাৰ্থী দুজনে নিজৰ নিজৰ যৌনাংগ দেখুৱাবলৈ ধৰিলে।
লগতে পঢ়ক গৃহ নিৰ্মাণত সূৰ্যৰ ৰশ্মিৰ সু আৰু কুপ্ৰভাৱ! জানিবলৈ চাওক…
ইয়াৰ পিছতে কোচিং অপাৰেটৰৰ এজাহাৰৰ পিছতে আৰক্ষীয়ে দুয়োগৰাকী অভিযুক্ত শিক্ষাৰ্থীক গ্ৰেপ্তাৰ কৰে।
অভিযুক্ত শিক্ষাৰ্থী দুজন ক্ৰমে বিবিএৰ ছাত্ৰ অনিকেত সিং ৰাজপুত আৰু নীটৰ বাবে প্ৰস্তুতি চলাই থকা আদিত্য সিং বুলি চিনাক্ত কৰিছে আৰক্ষীয়ে।
ইফালে অভিযুক্ত দুই শিক্ষাৰ্থী এই অনলাইন ক্লাছৰ পঞ্জীয়নভুক্ত ছাত্ৰ নহয় বুলি দাবী কৰা হৈছে৷ বৰঞ্চ জুমবম্বিঙৰ জৰিয়তে এই ঘটনা সংঘটিত কৰিছিল।
জুমবম্বিঙে জুম বা ভিডিঅ’ কনফাৰেন্সিং কলত অচিনাকি লোকৰ অবৈধ অনুপ্ৰৱেশক বুজায়। এনে লোকৰ উদ্দেশ্য হ’ল কোনো ভিডিঅ’ কল বা অনলাইন মিটিংত প্ৰৱেশ কৰি অশ্লীল ভিডিঅ’ বা কোলাহলৰ দ্বাৰা অশান্তি সৃষ্টি কৰা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
