প্ৰতি বছৰে দেশৰ নাগৰিকে নিজৰ উপাৰ্জনৰ ওপৰত ভিত্তি কৰি চৰকাৰক কৰ দিব লগা হয়। যদি আয় কৰযোগ্য হয়, তেন্তে আয়কৰ ৰিটাৰ্ণ (আইটিআৰ) দাখিল কৰাটো অতি গুৰুত্বপূৰ্ণ হৈ পৰে। একে সময়তে ৬০ বছৰৰ তলৰ লোকৰ বাৰ্ষিক আয় ২.৫ লাখতকৈ অধিক হ’লে আইটিআৰ দাখিল কৰাটো অতি গুৰুত্বপূৰ্ণ।
আনহাতে আয়কৰ দাখিল কৰাৰ সময়ত কিছুমান কথা মনত ৰাখিব লাগিব। যদি এইবোৰ কথা আওকাণ কৰা হয়, তেন্তে বহু লোকচানৰ সন্মুখীন হ’বললগীয়া হ’বও পাৰে।
চলিত ২০২১-২২ বৰ্ষৰ বাবে আয়কৰ ৰিটাৰ্ণ দাখিলৰ শেষ তাৰিখ ৩১ জুলাই, ২০২২। এই তাৰিখ ব্যক্তিগত আয়কৰদাতাৰ বাবে প্ৰযোজ্য। একে সময়তে কৰ দাখিল কৰাৰ সময়ত কিছুমান কথা মনত ৰখাটোও প্ৰয়োজনীয়। যদি কিছুমান গুৰুত্বপূৰ্ণ কথাত গুৰুত্ব দিয়া নহয়, তেন্তে জৰিমনাও পৰিশোধ কৰিবলগীয়া হ’ব পাৰে।
লগতে পঢ়ক এয়াৰ ইণ্ডিয়াৰ কৰ্মচাৰীলৈ বিশেষ উপহাৰ টাটাৰ, অফাৰ শুনিলে চকু কপালত উঠিব আপোনাৰ!
যদি আপুনি ব্যক্তিগত আয়কৰদাতাৰ শ্ৰেণীৰ অন্তৰ্ভুক্ত হৈছে তেন্তে এই বছৰৰ ৩১ জুলাই ২০২২ৰ ভিতৰত আপোনাৰ আয়কৰ আদায় দিয়ক। যদি এই তাৰিখৰ পিছত আয়কৰ আদায় দিয়া হয়, তেন্তে জৰিমনা ভৰিব লাগিব।
উল্লেখ্য যে আয়কৰ বিভাগে প্ৰ-পত্ৰ 26AS প্ৰদান কৰে। এই প্ৰ-পত্ৰৰ সহায়ত ব্যক্তিজনৰ আয়, বয়স, টি ডি এছ, প্ৰদান কৰা অগ্ৰিম কৰ, আদায় দিয়া আত্ম-মূল্যায়ন কৰ আদিৰ বিষয়ে তথ্য দিয়া হয়। ইয়াৰ সহায়ত দৰমহা পোৱা লোকসকলে ফৰ্ম ১৬ৰ জৰিয়তে উপাৰ্জনৰ অংশ মিলাব পৰিব। প্ৰ-পত্ৰ 26ASৰ পৰা পোৱা সকলো তথ্য একত্ৰিত কৰাৰ পিছত ভুল হোৱাৰ সম্ভাৱনা কমি যায়।
আয়কৰ ৰিটাৰ্ণ দাখিল কৰাৰ সময়ত বিনিয়োগকাৰীক কিছু ৰেহাইও দিয়া হয়। যদি আয়কৰদাতাই কোনো ৰেহাই দাবী কৰে, তেন্তে ইয়াৰ সৈতে জড়িত নথি-পত্ৰসমূহ জমা দিব লাগিব৷ এই নথি-পত্ৰসমূহ জমা দিব নোৱাৰিলে আইটিআৰ দাখিল কৰাৰ সময়ত আপুনি সেই ৰেহাইৰ পৰা বঞ্চিত হ’ব।
লগতে পঢ়ক ৭ হাজাৰ বিলাসী বাহন, ২৫৫০ কোটিৰ ৰাজপ্ৰসাদ, কে’বাখনো জেট বিমানৰ মালিক, এওঁ কোন?
আইটিআৰত আপোনাৰ বেংকিং লেনদেনৰ সবিশেষ উল্লেখ কৰিব লাগিব। এনে অৱস্থাত যদি আপুনি ১০ লাখতকৈ অধিক এফডি কৰিছে তেন্তে ইয়াৰ তথ্যও আইটিআৰত দিব লাগিব। লগতে বেংকৰ সৈতে জড়িত তথ্যসমূহ অসম্পূৰ্ণকৈ নিদিব। এনে অৱস্থাত বেংক একাউণ্টত ৰিফাণ্ড পোৱাত সমস্যা হ’ব পাৰে।
আইটিআৰ দাখিল কৰাৰ সময়ত আপোনাৰ সম্পত্তি সম্পৰ্কীয় তথ্য লুকুৱাব নালাগে। যদি সম্পত্তিটো কৰযোগ্য হয়, তেন্তে ইয়াৰ তথ্য আইটিআৰত দিব লাগে, নহ’লে ভৱিষ্যতে সমস্যাৰ সন্মুখীন হ’বলগীয়াও হ’ব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
