এক অতি লোমহৰ্ষক ঘটনা সংবাদ মাধ্যমৰ পোহৰলৈ আহিছে৷ এগৰাকী লোকে নিজ পত্নীৰ হাত কাটি দুচেও কৰাৰ এক ঘটনা সংঘটিত হৈছে৷
সংবাদ মাধ্যমত প্ৰকাশিত খবৰ মতে এই জঘন্য ঘটনাটো পশ্চিমবংগৰ বৰ্ধমানৰ কেতুগ্ৰামৰ চিনিছপুৰৰ বাসিন্দা শ্বেৰ মহম্মদে যোৱা শনিবাৰে পত্নী ৰেণু খাতুনৰ এখন হাত কাটি দুচেও কৰে৷ স্বামীগৰাকী অন্য কেইজমান লোকেও সহযোগ কৰা বুলি জানিব পৰা গৈছে৷
প্ৰকাশিত খবৰ অনুসৰি ৰেণু খাতুনে কিছুদিন পূৰ্বে চৰকাৰী নাৰ্ছৰ চাকৰী লাভ কৰিছিল৷ স্বামী শ্বেৰ মহম্মদে পত্নীয়ে চৰকাৰী চাকৰি লাভ কৰাৰ বাবেই হাত কাটি দুচেও কৰে৷ অভিযোগ অনুসৰি শ্বেৰ মহম্মদে চৰকাৰী চাকৰি লাভ কৰাৰ পিছত পত্নীয়ে তেওঁক এৰি যাব বুলি সন্দেহ কৰিয়ে এই কাণ্ড সংঘটিত কৰে৷
লগতে পঢ়ক হলিউদৰ অভিনেত্ৰী এঞ্জেলিনা জ’লীৰ বিৰুদ্ধে গুৰুতৰ অভিযোগ প্ৰাক্তন স্বামী পিটৰ
ইতিমধ্যে পত্নী ৰেণু খাতুনৰ অভিযোগৰ ভিত্তিতে আৰক্ষীয়ে এই কাণ্ড সংঘটিত কৰা স্বামী শ্বেৰ মহম্মদক যোৱা মংগলবাৰে নিশা গ্ৰেপ্তাৰ কৰিছে৷
ইফালে ঘটনাটো সংঘটিত হোৱাৰ পিছতে ভুক্তভোগীৰ ৰেণুক ভাতৃয়ে চুবুৰীয়াৰ সহযোগত স্থানীয় চিকিৎসালয়লৈ লৈ যায় যদিও স্থানীয় চিকিৎসালয়ে উন্নত চিকিৎসাৰ বাবে বৰ্ধমানৰ আন এখন চিকিৎসালয়লৈ প্ৰেৰণ কৰে৷
আনহাতে পলম হোৱাৰ বাবে চিকিৎসকে ৰেণু খাতুনৰ হাতখন যোৰা লগাবলৈ অক্ষম হোৱা বুলিও জানিব পৰা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
