হলিউদৰ অভিনেতা ব্ৰেড পিটে তেওঁৰ প্ৰাক্তন পত্নী তথা অভিনেত্ৰী এঞ্জেলিনা জ’লীৰ বিৰুদ্ধে গুৰুতৰ অভিযোগ উত্থাপন কৰি কয় যে এঞ্জেলিনাই তেওঁৰ ক্ষতি কৰিবলৈ চেষ্টা কৰিছে।
অভিনেতাগৰাকীৰ মতে, ফ্ৰান্সৰ আঙুৰৰ বাগিচাত তেওঁলোকৰ ৫০ শতাংশ অংশীদাৰিত্ব বিক্ৰী কৰি ৰাছিয়াৰ অভিজাত শ্ৰেণীটোৰ সৈতে মিলি তেওঁৰ ‘ক্ষতি’ কৰাৰ প্ৰয়াস কৰা হৈছে। ব্ৰেডৰ দলে আদালতত দাখিল কৰা আইনী নথি-পত্ৰত এই কথা কোৱা হৈছে।
আচলতে যোৱা বছৰৰ অক্টোবৰ মাহত জ’লীয়ে দক্ষিণ ফ্ৰান্সৰ এখন আঙুৰৰ বাগিচাত নিজৰ অংশ বিক্ৰী কৰিছিল। স্মৰ্তব্য যে এই ঠাইতেই জ’লী আৰু পিটৰ বিবাহ অনুষ্ঠিত কৰা হৈছিল।
লগতে পঢ়ক চিকিৎসা বিজ্ঞানৰ ঐতিহাসিক সাফল্য! ‘ঔষধে কেঞ্চাৰ ৰোগ নিৰাময় কৰে!’
জানিব পৰা মতে ৰাছিয়াত জন্মগ্ৰহণ কৰা বিলিয়নাৰ ইউৰি শ্বেফ্লাৰৰ সহযোগী প্ৰতিষ্ঠান টেনুটে ডেল মণ্ডোক এঞ্জেলিনা জ’লীয়ে নিজৰ বাগিচাৰ অংশ বিক্ৰী কৰে।
ফেব্ৰুৱাৰী মাহত পিটে গোচৰ তৰি কয় যে প্ৰাক্তন দম্পতীহালে ইজনে সিজনৰ সন্মতি অবিহনে কেতিয়াও নিজৰ শ্বেয়াৰ বিক্ৰী নকৰিবলৈ সন্মত হৈছিল। পিটে জ’লীৰ বিৰুদ্ধে অভিযোগ উত্থাপন কৰি কৈছে যে তেওঁ ‘অনাৰ্জিত’ লাভৰ বাবেই এই কাম কৰিছে।
সংবাদ সংস্থা এএফপি-এ এক প্ৰতিবেদনৰ মতে এটা সংশোধিত অভিযোগত পিটৰ অধিবক্তাসকলে যুক্তি আগবঢ়ায় যে ‘জ’লীয়ে বিক্ৰীৰ জৰিয়তে পিটৰ ক্ষতি কৰিবলৈ চেষ্টা কৰিছে’ আৰু শ্বেফ্লাৰক জ’লীৰ সৈতে ‘অচিনাকি বিষাক্ত সংগী’ বুলি বৰ্ণনা কৰিছে।
লগতে পঢ়ক জনতাৰ কঁকালত মাধমাৰ RBIৰ! ৰেপো ৰেট ৫০ বেছিছ পইণ্ট বৃদ্ধি, ঋণ হ’ব অধিক ব্যয়বহুল
যোৱা শুকুৰবাৰে লছ এঞ্জেলছৰ আদালতত দাখিল কৰা আবেদনত শ্বেফলাৰৰ বিৰুদ্ধে অভিযোগ উত্থাপন কৰি কোৱা হৈছে যে ‘তেওঁ ভ্লাদিমিৰ পুটিনৰ ঘণিষ্ঠ ব্যক্তিৰ সৈতে ব্যক্তিগত আৰু ব্যৱসায়িক সম্পৰ্ক’ আছে।
কিন্তু মাৰ্চ মাহত ৰাছিয়াই ইউক্ৰেইন আক্ৰমণ কৰাৰ পিছত শ্বেফলাৰে এক বিবৃতি প্ৰকাশ কৰি কয় যে তেওঁক ‘পুটিনক বিৰোধিতা কৰাৰ বাবে ২০০২ চনতেই ৰাছিয়াই তেওঁক বিতাড়িত কৰিছে’।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
