মঙলবাৰে ভাৰতীয় ৰাষ্ট্ৰীয় ঘাইপথ প্ৰাধিকৰণে এক নতুন বিশ্ব অভিলেখ গঢ়িলে। মাত্ৰ ১০৫ ঘণ্টাত ৭৫ কিলোমিটাৰ দৈৰ্ঘ্যৰ বিটুমিনাছ পকী পথ নিৰ্মাণ কৰি সমগ্ৰ বিশ্বতে নতুন অভিলেখ গঢ়িবলৈ সক্ষম হৈছে NHAIএ। মহাৰাষ্ট্ৰৰ অমৰাৱতী আৰু আকোলাৰ মাজৰ এই পথ মাত্ৰ ১০৫ ঘণ্টা ৩৩ মিনিটৰ ভিতৰত নিৰ্মাণ কৰি এই বিশ্ব অভিলেখ গঢ়িছে।
কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰীয়ে টুইট কৰি এই তথ্য শ্বেয়াৰ কৰিছে। গডকাৰীয়ে তেওঁৰ টুইটৰ সাতটা গিনিজ ৱৰ্ল্ড ৰেকৰ্ডৰ প্ৰমাণ পত্ৰও পোষ্ট কৰিছে। ইয়াৰ বাহিৰেও এটা ভিডিঅ’ বাৰ্তা মুকলি কৰি কেন্দ্ৰীয় মন্ত্ৰী নীতিন গাডকাৰীয়ে লিখিছে যে এয়া দেশৰ বাবে এক গৌৰৱৰ মুহূৰ্ত।
মন্ত্ৰী গাডকাৰীয়ে ভিডিঅ’ মেছেজৰ জৰিয়তে NHAI আৰু ৰাজপথ ইনফ্ৰাকন প্ৰাইভেট লিমিটেডৰ সকলো অভিযন্তা, ঠিকাদাৰ, পৰামৰ্শদাতা আৰু কৰ্মীক বিশ্ব অভিলেখ গঢ়াৰ বাবে অভিনন্দন জনাইছে।
#ConnectingIndia with Prosperity!
Celebrating the rich legacy of our nation with #AzadiKaAmrutMahotsav, under the leadership of Prime Minister Shri @narendramodi Ji @NHAI_Official successfully completed a Guinness World Record (@GWR)… pic.twitter.com/DFGGzfp7Pk
— Nitin Gadkari (@nitin_gadkari) June 7, 2022
লগতে পঢ়ক জনতাৰ কঁকালত মাধমাৰ RBIৰ! ৰেপো ৰেট ৫০ বেছিছ পইণ্ট বৃদ্ধি, ঋণ হ’ব অধিক ব্যয়বহুল
তেওঁ আৰু কয় যে আমৰাৱতী আৰু আকোলা জিলাৰ মাজৰ ৫৩ নং ৰাষ্ট্ৰীয় ঘাইপথত ১০৫ ঘণ্টা ৩৩ মিনিটত একক লেনত ৭৫ কিলোমিটাৰ বিটুমিনাছ কংক্ৰিট পাৰি দিয়াৰ অভিলেখ গঢ়িবলৈ সক্ষম হৈছে।
কেন্দ্ৰীয় মন্ত্ৰীগৰাকীয়ে লগতে কয় যে, ২০২২ চনৰ ৩ জুনৰ পুৱা ৭:২৭ বজাত ৭৫ কিলোমিটাৰ একক লেনযুক্ত বিটুমিনাছ কংক্ৰিট পথৰ কাম আৰম্ভ হৈছিল আৰু ৭ জুনৰ সন্ধিয়া ৫ বজাত নিৰ্মাণ সম্পূৰ্ণ কৰা হৈছিল।
মন্ত্ৰীগৰাকীয়ে প্ৰকাশ কৰা মতে পথটো নিৰ্মাণৰ বাবে মুঠ ৩৬,৬৩৪ মেট্ৰিক টন সামগ্ৰী ব্যৱহাৰ কৰা হৈছে আৰু পৰামৰ্শদাতাৰ এটা দলকে ধৰি ৭২০ জন শ্ৰমিকে দিনে-নিশাই কাম পথটো নিৰ্মাণ সম্পূৰ্ণ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
