ভাৰতীয় চিনেমাৰ প্ৰথমগৰাকী মহিলা ছুপাৰষ্টাৰ আছিল শ্ৰীদেৱী। কেৱল দেশতে নহয় সমগ্ৰ বিশ্বতে শ্ৰীদেৱীৰ যথেষ্ট অনুৰাগী আছিল। আনকি চলচ্চিত্ৰ তাৰকাও আছিল শ্ৰীদেৱীৰ অনুৰাগী, ইয়াৰ ভিতৰত অন্যতম হৈছে দক্ষিণাত্যৰ ছুপাৰষ্টাৰ আল্লু অৰ্জুন। শ্ৰীদেৱীৰ প্ৰতি তেওঁৰ ইমানেই ক্ৰাছ আছিল যে অভিনেত্ৰীগৰাকীৰ বিৱাহৰ দিনটো আল্লুৱে কান্দি কান্দি পাৰ কৰিছিল। ‘পুষ্পা’খ্যাত তাৰকাগৰাকীয়ে এই কথা এটা সাক্ষাৎকাৰত নিজেই সদৰী কৰিছিল।
আল্লু অৰ্জুনৰ শৈশৱৰ পৰাই শ্ৰীদেৱীৰ প্ৰতি প্ৰেম আছিল। অভিনেতাজনে কৈছিল যে ১৯৯৬ চনৰ ২ জুনত যেতিয়া শ্ৰীদেৱীয়ে চলচ্চিত্ৰ নিৰ্মাতা বনী কাপুৰৰ সৈতে বিৱাহপাশত আবদ্ধ হৈছিল তেতিয়া তেওঁক দুখত ভাগি গৈছিল হিয়া আৰু সমগ্ৰ দিনটো কেৱল কান্দিয়েই পাৰ কৰিছিল। শ্ৰীদেৱীৰ বিৱাহৰ সময়ত আল্লু অৰ্জুনৰ বয়স আছিল মাত্ৰ ১৪ বছৰ।
এই সন্দৰ্ভত আল্লু অৰ্জুনে এক সাক্ষাৎকাৰত কয়, “শ্ৰীদেৱীৰ প্ৰতি মোৰ ভয়ংকৰ ক্ৰাছ আছিল। মই শ্ৰীদেৱীক ইমানেই মন ভৰি ভাল পাইছিলো যে তেওঁৰ দৰে আন কাকোৱেই দেখা নাপালোঁ। যেতিয়া মই গম পালোঁ যে তেওঁ বনী কাপুৰৰ সৈতে বিৱাহপাশত আৱদ্ধ হৈছে, তেতিয়া মই গোটেই দিনটো কান্দিছিলোঁ।”
১৯৯৬ চনত শ্বিৰডীত বিৱাহপাশত আবদ্ধ হয় শ্ৰীদেৱী আৰু বনী কাপুৰ।এটা ব্যক্তিগত অনুষ্ঠানত বিৱাহপাশত আবদ্ধ হৈছিল দুয়োৱে। কেইবামাহো গোপন হৈ থকা এই বিয়াখন ১৯৯৭ চনৰ জানুৱাৰী মাহত পোহৰলৈ আহে, যেতিয়া শ্ৰীদেৱীৰ গৰ্ভত তেওঁলোকৰ প্ৰথম কন্যা জাহ্নৱী থিতাপি লৈছিল। এই বিয়াখন সেই সময়ত বলীউডৰ আটাইতকৈ চৰ্চিত বিৱাহ আছিল। কাৰণ শ্ৰীদেৱী আৰু বনী কাপুৰে যেতিয়া সম্পৰ্ক আৰম্ভ কৰিছিল তেতিয়া ইতিমধ্যে বিৱাহিত আছিল। তেওঁৰ প্ৰথম পত্নী আছিল মোনা শ্বৌৰী। আল্লু অৰ্জুনে প্ৰকাশ কৰিছে যে শ্ৰীদেৱী সেই সময়ত তেওঁৰ বয়সৰ বহু ল’ৰাৰ বাবে “সপোনৰ যুৱতী” আছিল যদিও তেওঁৰ বাবে এয়া আছিল ছিৰিয়াছ ক্ৰাছ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
