আজিৰ দিনটো হৈছে অতি বৰিল দিন৷ কেবা শতিকাৰ পিছত আজিৰ দিনটো পোৱা গৈছে৷ সাধাৰণভাৱে আজি হৈছে ২০২২ চনৰ ফেব্ৰুৱাৰি মাহৰ ২২ তাৰিখ, অৰ্থাৎ ২২-০২-২০২২৷
কিন্তু সংখ্যাতত্বৰ মতে আজিৰ দিনটো বিশ্বৰ লগতে পৃথিৱীৰ কেলেণ্ডাৰৰ বাবেই এটি অতি বিৰলদিন৷ যদি আমি আজিৰ দনিটোক সংখ্যাৰে লিখো তেতিয়া হ’ব ২২০২২২০২২৷ ইয়াক পেলিনড্ৰম বুলি কোৱা হয়৷ অৰ্থাৎ আজিৰ দিনটো পেলিনড্ৰম দিন!
যি শব্দক চিধাকৈ আৰু ওলোটাকৈ পঢ়িলেও উচ্চাৰণ আৰু অৰ্থ একেই থাকে তাকেই পেলিনড্ৰম বোলা হয়৷ আজি ২০২২ চনৰ ফেব্ৰুৱাৰি মাহৰ ২২ তাৰিখ৷ আজিৰ তাৰিখটোও হৈছে পেলিনড্ৰম৷
অৱশ্যে আজিৰ তাৰিখটো কেৱল পেলিনড্ৰমেই নহয় ই হৈছে এটা এম্বিগ্ৰাম আৰু ‘Twosday’ও৷ এনেধৰণৰ শব্দক এম্বিগ্ৰাম বুলি কোৱা হয় যিবোৰ সংশোধিত কৰি কেবাটাও অ’ৰিয়েন্টেশ্যনত পঢ়িব পাৰি৷ আইনাত প্ৰতিফলিত কৰি পঢ়িব পৰা শব্দকো এম্বিগ্ৰাম বুলি কোৱা হয়৷
আনহাতে সপ্তাহৰ দ্বিতীয়টো দিন মংগলবাৰ পৰাৰ বাবে মানুহে এই বিৰল দিনটোক ‘Twosday’ বুলিও অভিহিত কৰিছে৷
আজিৰ দিনটো কেৱল এইবোৰ কাৰণেই বিশেষ নহয় বা বিশেষত্ব থকা দিন নহয়৷ তাৰিখ হিচাপে পেলিনড্ৰম দিন আকৌ ২০০ বছৰৰ মূৰতহে পোৱা যাব৷ অৰ্থাৎ আজি পেলিনড্ৰম দিন উদযাপন কৰা কোনো লোকেই পৰৱৰ্তী পেলিনড্ৰম দিন উদযাপন কৰিবলৈ জীয়াই নাথাকিব৷
সেয়ে চাগে আজি সামাজিক মাধ্যমত অসংখ্য লোকে ২০.০২.২০২২ৰ শুভেচ্ছাও জ্ঞাপন কৰাও দেখা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
