ইতিহাসৰ সবাতোকৈ কৰুণ ঘটনাৰ সামৰণিৰ দিশে, ৪০ বছৰৰ পাছত ১২৬ কোটি টকা খৰচেৰে কৰিব এই কাম
ভাৰতৰ ইতিহাসৰ সবাতোকৈ কৰুণ ঘটনাৰ অন্যতম, ভুপালৰ বিষাক্ত গেছ নিৰ্গমণৰ ঘটনাৰ অন্ত পৰাৰ দিশে। ৪০ বছৰৰ পাছত ভূপালৰ পৰা আঁতৰিল সেই বিষাক্ত আৱৰ্জনাবোৰ। ২০২৫ৰ জানুৱাৰী মাহৰ প্ৰথমটো নিশাতেই ভূপালৰ পৰা পীথমপুৰলৈ নিয়া হৈছে সকলো আৱৰ্জনা।
১২৬ কোটি টকা খৰচ কৰি সেই আৱৰ্জনাবোৰ নিষ্কাসন কৰা হব। কোনো অন্য লোকৰ যাতে এই আৱৰ্জনাৰ পৰা পুনৰ ক্ষতি নহয় তাৰ বাবেই কাঢ়া নজৰ দিছে প্ৰশাসনে। ১২ খন কন্টেনাৰতকৈ পীথমপুৰলৈ নিয়া হৈছে এই আৱৰ্জনাবোৰ।
১৯৮৪ চনৰ ২-৩ ডিচেম্বৰৰ মাজনিশা। বিশ্বৰ সৰ্ববৃহৎ উদ্যোগিক দুৰ্ঘটনা সংঘটিত হৈছিল মধ্যপ্ৰদেশৰ ৰাজধানী ভূপালত। যি দুৰ্ঘটনাত প্ৰাণ হেৰুাৱইছিল ৩৭০০ৰো অধিক লোকে, চীৰ জীৱনৰ বাবে ঘূণীয়া হৈছিল ১৬০০০ ৰো অধিক লোক। নতুনকৈ জন্ম পোৱা সন্তানবোৰৰ দেহতো পোৱা গৈছিল এই বিষাক্ত গেছৰ প্ৰাদুৰ্ভাৱ। বিকলাংগ হৈ জন্ম হৈছিল বহু।
সেই কৰুণ দুৰ্ঘটনাৰেই ৪০ বছৰ পিছত ভূপাল বিষাক্ত আৱৰ্জনা মুক্ত হৈছে। বুধবাৰে নিশা ৩৩৭ মেট্ৰিক টন অতি বিপজ্জনক আৰু বিষাক্ত আৱৰ্জনাৰে ভৰপূৰ ১২টা কন্টেইনাৰ পিথমপুৰলৈ নিয়া হয়। নিৰাপত্তাৰ বাবে ১২ কন্টেইনাৰৰ আগত মোতায়েন কৰা হৈছে আৰক্ষী বাহিনী।
প্ৰতিটো ছেক্সনত যাতে কোনো সমস্যা নহয় তাৰ বাবেও বিশেষ ব্যৱস্থা। ভিভিআইপি নিৰাপত্তাৰ মাজতে যি যি নগৰৰ মাজেৰ বাহন কেইখন পাৰ হৈছে সেই সকলো ঠাইতে হাই এলাৰ্ট পৰিস্থিতি।
শনিবাৰৰ পৰা আৰম্ভ হৈছিল ভূপালৰ বিষাক্ত আৱৰ্জনা আঁতৰোৱাৰ প্ৰক্ৰিয়া। জাবৰ সংগ্ৰহ কৰিবলৈ সময় লাগিছিল ১১৪ ঘণ্টা। এই আৱৰ্জনা সংগ্ৰহৰ কামত নিয়োজিত আছিল ১০০ বিশেষজ্ঞকে ধৰি প্ৰায় ১০০০ লোক।
এই জাবৰবোৰ কিমান বিপজ্জনক হব পাৰে এই কথাৰ পৰা অনুমান কৰিব পাৰি যে ইয়াক সংগ্ৰহ কৰাত নিয়োজিত শ্ৰমিকসকলক প্ৰতি ৩০ মিনিটৰ মূৰে মূৰে পৰীক্ষা কৰা হৈছিল। এজন শ্ৰমিকে মাত্ৰ ৩০ মিনিটৰ বাবেহে জাবৰ সংগ্ৰহ কৰিছিল। ইয়াৰ পিছত তেওঁৰ পিপিই কিট সলনি কৰি স্বাস্থ্য পৰীক্ষা কৰা হৈছিল। সকলো ব্যৱস্থা সুকিয়া কৰা হৈছিল শ্ৰমিক সকলৰ বাবে।
ইউনিয়ন কাৰ্বাইডৰ এই আৱৰ্জনাসমূহ ১২৬ কোটি টকাৰ বিনিময়ত নিষ্কাশন কৰা হ’ব। প্ৰতি কেজিৰ বাবদ খৰচ হব ৩৭৫০ টকা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
