ট্ৰেইনৰ শৌচালয়ৰ ভিতৰৰ পৰা বন্ধ আছিল দৰ্জা, ৰে’ল আৰক্ষীৰ সন্দেহ, দৰ্জা খুলি দেখি হতভম্ভ
বহু সময় ধৰি এখন চলন্ত ট্ৰেইনৰ শৌচালয় বন্ধ আছিল। ভিতৰৰ পৰাও নাছিল কোনো সাৰ-সূৰ। লাহে লাহে সন্দেহ ঘনীভূত হৈ পৰাত ৰে’ল আৰক্ষীক খবৰ কৰা হয়। আৰক্ষীয়ে আহি শৌচালয়ৰ দৰ্জা বাহিৰৰ পৰা খুলি দেখি হতভম্ভ।
এই ঘটনা উত্তৰ প্ৰদেশৰ মিৰ্জাপুৰৰ। ট্ৰেইনখন এটা ষ্টেছনত ৰখাই তালাচি চলাওতে এই ঘটনা পোহৰলৈ আহে। ঘটনা সন্দৰ্ভত জানিব পৰা অনুসৰি শৌচালয়ৰ ভিতৰত এগৰাকী লোকে গ্ৰহণ কৰে চৰম সিদ্ধান্ত।
ঘটনা পোহৰলৈ অহাৰ পাছতে চাৰিওফালে হাহাকাৰ লাগি যায়। ৰে’ল বিভাগৰ লোকে পাছত ঘটনা সন্দৰ্ভত তদন্ত কৰোতে পোহৰলৈ আহে নিজকে শেষ কৰি দিয়া লোকৰ পৰিচয় আৰু ইয়াৰ পাছৰ কাৰণ।
ঘটনা সন্দৰ্ভত জানিব পৰা অনুসৰি মিৰ্জাপুৰৰ ৮ যুৱক অন্য ঠাইলৈ গৈ ইণ্ডিয়ান অইলৰ পেট্ৰল পাম্পৰ ডিজেল টেংক বনাবৰ বাবে গৈছিল। কাম সমাপন কৰি উভতি আহোতে তাৰেই মাজৰ এগৰাকী বল্লু কোল নামৰ এগৰাকী ২২ বছৰীয়া যুৱকে মাজনিশা লগৰ সকলো শুই থকা সময়ত ট্ৰেইনৰ শৌচালয়ত গৈ খিৰিকিৰ গ্ৰীলত বেল্টেৰে চিপ লৈ নিজকে শেষ কৰি দিয়ে।
পিছদিনা পুৱাৰ ভাগত যেতিয়া শৌচালয়ৰ দৰ্জা বহু সময় ধৰি বন্ধ বুলি জানিব পাৰে, তেতিয়াই দৰ্জা খুলি বল্লুৰ মৃতদেহ উদ্ধাৰ কৰে। জানিব পৰা মতে তীব্ৰ আৰ্থিক সংকটৰ বাবেই বল্লুৱে এই চৰম পন্থা অৱলম্বন কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
