বিগত ২৩ ছেপ্টেম্বৰত কন্যা ৰাশিত গোচৰ কৰিছে বুধে৷ কন্যা ৰাশিৰ অধিপতি গ্ৰহ হৈছে বুধ নিজেই৷ অন্যহাতে বিগত ১৮ ছেপ্টেম্বৰৰ পৰা শুক্ৰই অৱস্থান কৰিছে তুলা ৰাশিত৷ তুলা ৰাশিৰ অধিপতি গ্ৰহ হৈছে শুক্ৰ৷ আকৌ বিগত ১৭ জানুৱাৰীৰ পৰা শনিয়ে কুম্ভ ৰাশিত বিৰাজ কৰিছে৷ অৰ্থাৎ বুধ, শুক্ৰ আৰু শনি এই তিনি গ্ৰহে বৰ্তমান নিজৰ ঘৰত আছে৷ এই তিনি গ্ৰহই স্বৰাশিত থকাত গঠিত হৈছে মূল ত্ৰিকোণ ৰাজযোগ৷ এই তিনি গ্ৰহৰ সুপ্ৰভাৱ পাঁচ ৰাশিত জাতকৰ ওপৰত পৰিছে৷ জ্যোতিষ গণনা অনুসৰি মূল ত্ৰিকোণ ৰাজযোগৰ প্ৰভাৱত প্ৰচুৰ সুখ সাফল্য লাভ কৰিব কেইটামান ৰাশিৰ জাতকে৷ জানি থওক তালিকা৷
মেষ ৰাশি
মূল ত্ৰিকোণ ৰাজযোগৰ প্ৰভাৱত আৰ্থিক পৰিস্থিতি শক্তিশালী হ’ব মেষ ৰাশিৰ জাতকৰ৷ যি কামেই কৰক আপোনাৰ ধনৰ অভাৱ নহ’ব৷ যিসকলে ব্যৱসায় আৰম্ভ কৰিব খুজিছে তেওঁলোকেও এই সময়ত মূলধনৰ অভাৱত নুভোগে৷ কাৰ্যালয়ত পদোন্নতি লাভৰ যোগ আছে৷ সৰু ভায়েক ভনীয়েকৰ পৰা সহায় লাভ কৰিব৷
কন্যা ৰাশি
কন্যা ৰাশিতেই বৰ্তমান অৱস্থান কৰিছে বুধে৷ বুধ কন্যা ৰাশিৰ অধিপতি গ্ৰহ হোৱাত বুধৰ প্ৰভাৱ এই সময়ত নানান দিশৰ পৰা লাভৱান হ’ব এই ৰাশিৰ জাতকে৷ মূল ত্ৰিকোণ ৰাজযোগৰ প্ৰভাৱত আপোনাৰ অৰ্থনৈতিক অৱস্থা মজবুত হ’ব৷ কোনো ভাল খবৰ পাব পাৰে কন্যা ৰাশিৰ জাতকে৷ বিদেশ যাত্ৰাৰ পৰা লাভৱান হ’ব৷ ব্যৱসায়ত উন্নতি কৰাৰ যোগ আছে৷
তুলা ৰাশি
তুলা ৰাশিত গোচৰ কৰিছে শুক্ৰই৷ তুলা ৰাশিৰ অধিপতি গ্ৰহ শুক্ৰ নিজেই৷ মূল ত্ৰিকোণ ৰাজযোগৰ প্ৰভাৱত এই সময়ত দুৰ্দান্ত লাভ হ’ব তুলা ৰাশিৰ জাতকৰ৷ সকলো আইডিয়াৰ পূৰ্ণ সদ্ব্যৱহাৰ কৰিব পাৰিব৷ ব্যৱসায়ত কোনো বৃহৎ চুক্তি স্বাক্ষৰ কৰিব তুলা ৰাশিৰ জাতকে৷ নতুন চাকৰিৰ প্ৰস্তাৱো পাব পাৰে৷
কুম্ভ ৰাশি
কুম্ভ ৰাশিত গোচৰ কৰিছে শনিয়ে৷ মূল ত্ৰিকোণ ৰাজযোগৰ প্ৰভাৱত ভাগ্য খুলিব কুম্ভ ৰাশিৰ জাতকৰ৷ শনিয়ে এই সময়ত আপোনাৰ সাফল্যৰ পথৰ সকলো দুৱাৰ খুলিব৷ উপাৰ্জন পথ খুলিব৷ মোটা অংকৰ ধনৰ বিনিময়ত চাকৰি পাব৷ বুদ্ধি খটুৱাই সিদ্ধান্ত ল’লে কাংখিত চাকৰি আপুনি পাব৷ ব্যৱসায়িক চুক্তি স্বাক্ষৰ কৰিব পাৰে৷
মীন ৰাশি
মীন ৰাশিৰ জাতকে মোকৰ্দমাত সফল হ’ব৷ মূল ত্ৰিকোণ ৰাজযোগৰ প্ৰভাৱত এই সময়ত আইনী জটিলতাৰ পৰা মুক্তি পাব৷ উত্তৰাধিকাৰ সূত্ৰে সম্পত্তি লাভ কৰিব পাৰে৷ মীন ৰাশিৰ জাতকৰ আৰ্থিক পৰিস্থিতি উন্নত হ’ব৷ কৰোবাত বিনিয়োগ কৰিলে দ্বিগুণ লাভ পাব৷ নিজৰ অসম্পূৰ্ণ কাম সম্পূৰ্ণ কৰিব পাৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
