ভাৰত হৈছে ধৰ্ম নিৰপেক্ষ বৈচিত্ৰময়ী দেশ। এই ভাৰতবৰ্ষতে বিভিন্ন ধৰ্ম আৰু সম্প্ৰদায়ৰ লোকে বহু শতাব্দী ধৰি একেলগে বাস কৰি আহিছে। কিন্তু ইমানৰ পিছতো দেশত ক্ৰমশঃ ধৰ্মীয় অহিষ্ণুতা বৃদ্ধি পোৱাৰ লগতে মাজে মাজে ভাতৃঘাটি সংঘৰ্ষৰ সৃষ্টি হৈ আহিছে৷
উগ্ৰ হিন্দুত্বাদীসকলে শাসকীয় দলৰ ছত্ৰছায়াত দেশত ধৰ্মীয় সংখ্যালঘু বিশেষকৈ ইছলাম ধৰ্মাৱলম্বী লোকক আক্ৰমণ কৰি দেশত ধৰ্মীয় বিষবাষ্প বিয়পাই অহা বুলি অভিযোগ উঠি অহাৰ সময়তে দুই হিন্দু ভগ্নীয়ে সম্প্ৰীতিৰ মহান নিৰ্দশন দাঙি ধৰিছে৷
উত্তৰাখণ্ডৰ দুই হিন্দু ভগ্নীয়ে ঈদ উদযাপনৰ সময়তে ঈদগাহৰ বাবে ১.৫ কোটি টকীয়া মূল্যৰ ৪ বিঘা ভূমি দান কৰিছে৷
লগতে পঢ়ক ড্ৰাগছত আসক্ত হৈ অভিনেত্ৰী পত্নীক উপৰ্যুপৰি চৰিয়াইছিল হলিউদৰ অভিনেতা জ’নিয়ে
ৰাজ্যখনৰ উধম সিং নগৰ জিলাৰ এখন সৰু চহৰ কাশীপুৰৰ দুই ভগ্নীয়ে প্ৰয়াত পিতৃৰ ইচ্ছা পূৰণৰ অৰ্থে এই বৃহৎ মূল্যৰ ভূমিভাগ দান কৰা বুলি জানিব পৰা গৈছে৷ প্ৰকাশিত বাতৰি অনুসৰি তেওঁলোকৰ পিতৃ আজিৰ পৰা প্ৰায় ২০ বছৰৰ পূৰ্বে মৃত্যু হৈছিল৷
ব্ৰহ্মন্দন প্ৰসাদ ৰস্তোগী নামৰ লোকগৰাকীয়ে ওচৰৰ ঈদগাহৰ বাবে ৪ বিঘা মাটি দান কৰিবলৈ ইচ্ছা প্ৰকাশ কৰিলেও ২০০৩ চনত তেওঁৰ মৃত্যু হয়৷ কিন্তু মৃত্যুৰ পূৰ্বে ৰস্তোগীয়ে নিজ ইচ্ছাৰ কথা নিজ সন্তান আৰু নিকট আত্মীয় কৈ যায়৷
পিতৃৰ এই অন্তিম ইচ্ছা পূৰণৰ বাবে এতিয়া দুই ভগ্নী ক্ৰমে সৰোজ আৰু অনীতা ৰস্তোগীয়ে ঈদগাহ সম্প্ৰসাৰণৰ বাবে ১.৫ কোটি টকীয়া মূল্যৰ ৪ বিঘা মাটি ইছলাম ধৰ্মীয় লোকক দান দিছে৷ প্ৰয়াত ব্ৰহ্মান্দন ৰস্তোগীৰ এই দুই কন্যাৰ সৰোজে দিল্লী আৰু অনীতাই মিৰাটত পৰিয়ালসহ বাস কৰে৷
লগতে পঢ়ক বলিউদৰ অভিনেত্ৰী দিশা পাটানিক ট্ৰ’ল! কিয় ট্ৰ’ল খালে মোহময়ী অভিনেত্ৰী দিশাই?
ইফালে কাশীপুৰত থকা দুই ভগ্নীৰ ভাতৃয়েও উক্ত ভূমিখিনি ঈদগাহৰ বাবে দান দিয়াত কোনো আপত্তি কৰা নাই৷ বৰং ব্ৰহ্মান্দন ৰস্তোগীৰ পুত্ৰ ৰাকেশ ৰস্তোগীয়েও প্ৰফুল্লচিতে উক্ত ভূমি ভাগ প্ৰদান কৰাত সন্মতি প্ৰদান কৰে বুলি জানিব পৰা গৈছে৷
‘‘দেউতাৰ শেষ ইচ্ছাক সন্মান কৰাটো আমাৰ কৰ্তব্য৷ মোৰ ভগ্নীসকলে যি কাম কৰিছে ইয়ে দেউতাৰ আত্মাক শান্তি প্ৰদান কৰিব৷’’ দুই ভগ্নীৰ ভাতৃ ৰাকেশ ৰস্তোগীয়ে কয়৷
ইফালে ঈদগাহ সমিটিয়ে দুই ভগ্নীৰ এই দানক সাম্প্ৰদায়িক সম্প্ৰীতি আৰু ঐক্যৰ জীৱন্ত আৰু উৎকৃষ্ট উদাহৰণ বুলি আখ্যা দিছে৷ ‘‘দুয়োগৰাকী ভগ্নী সাম্প্ৰদায়িক ঐক্যৰ জীৱন্ত উদাহৰণ৷ ঈদগাহ সমিতিয়ে তেওঁলোকৰ উদাৰতাক স্বীকাৰ কৰি কৃতজ্ঞতা জ্ঞাপন কৰিছো৷ দুয়ো ভগ্নীকে শীঘ্ৰেই সম্বধৰ্না জনোৱা হ’ব৷’’ ঈদগাহ সমিটিৰ বিষয়ববীয়া হাছিন খানে সংবাদ মাধ্যমৰ আগত কয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
