হলিউদৰ জনপ্ৰিয় অভিনেতা জ’নি দীপ্পৰ বিৰুদ্ধে মানহানিৰ গোচৰ তৰি গুৰুতৰ অভিযোগ উত্থাপন কৰিছে প্ৰাক্তন পত্নী তথা হলিউদৰ মোহময়ী অভিনেত্ৰী এম্বেৰ হাৰ্ডে৷ মানহানি গোচৰৰ ট্ৰায়েলত অভিনেত্ৰী এম্বেৰে কয় যে প্ৰাক্তন স্বামী তথা হলিউদৰ অভিনেতা জ’নিয়ে তেওঁক উপৰ্যুপৰি চৰ শোধাইছিল৷
কিয় আৰু কেনেকৈ প্ৰাক্তন স্বামীয়ে তেওঁক চৰ শোধোৱাৰ লগতে শাৰীৰিক আক্ৰমণ কৰিছিল গোচৰটোৰ শুনানিৰ সময়ত তাৰ সকলো বিৱৰণ দিছে ভুক্তভোগী অভিনেত্ৰী এম্বেৰে৷
জ’নিয়ে তেওঁক প্ৰথমটো চৰ মাৰোতে অভিনেত্ৰী এম্বেৰে সেয়া ধেমালি বুলি ভাবিছিল যদিও পিছত জ’নিয়ে ইটোৰ পিছত সিটোকৈ কে’বাটাও চৰ শোধোৱাতহে সেয়া শাৰীৰিক আক্ৰমণ বুলি বুজি পোৱাৰ কথাও প্ৰকাশ কৰিছে৷
লগতে পঢ়ক কিয় হ’ব লগা স্বামীক গ্ৰেপ্তাৰ কৰিলে লেডী সিংঘম জোনমণি ৰাভাই?
জ’নিৰ শৰীৰত থকা এটা টাটুৰ বিষয়ে সোধোতে ড্ৰাগছ আসক্ত আৰু সাৰাপানেৰে নিচাসক্ত হৈ থকা জ’নিয়ে এম্বেৰৰ গালত প্ৰচণ্ড চৰ শোধাইছিল৷
এম্বেৰে প্ৰকাশ কৰা মতে জ’নিৰ শৰীৰত ‘ৱাইনো’ বুলি টাটু কৰা আছে৷ এম্বেৰৰ মতে ‘ৱাইনো’ হৈছে জ’নিৰ প্ৰাক্তন প্ৰেমিকা ৱাইন’না ৰাইডাৰৰ চমু নাম, যিটো জ’নিয়ে নিজৰ শৰীৰত টাটুৰে লিখি ৰাখিছে৷ সেয়ে সেই টাটুৰ বিষয়ে এম্পেৰে সোধোতে জ’নিয়ে ‘ৱাইনো’ বুলি আস্ফালন কৰি প্ৰচণ্ড চৰ শোধোই বুলি প্ৰকাশ কৰিছে ভুক্তভোগী এম্বেৰে৷
‘‘তেওঁ মোৰ সমগ্ৰ মুখ মণ্ডলতে চৰিয়ায়৷ কি ঘটিছে মই তত ধৰিব পৰা নাছিলো৷ মই মাত্ৰ আচৰিত হৈ চাই থাকিলো৷’’ ‘তুমি ইয়াক ধেমালি বুলি ভাবিছা’ বুলি আটাহ পাৰি ইয়াৰ পিছতো আৰু দুটা চৰ শোধাই বুলিও এম্বেৰে গোচৰৰ শুনানি কালত কয়৷
লগতে পঢ়ক মুক্তিৰ পূৰ্বেই সংকটত ৰণবীৰ সিঙৰ নৱতম ছবি জয়েশভাই জ’ৰ্ডাৰ!
‘মই ইয়াক কেতিয়াও পাহৰিব নোৱাৰো’ আৰু ‘ই মোৰ জীৱনক সম্পূৰ্ণ সলনি কৰি দিলে’ বুলি সদৰী কৰি এম্বেৰে লগতে কয় যে ড্ৰাগছ আৰু সুৰাৰ নিচাত নিজৰ নিয়ন্ত্ৰণ হেৰুওৱাই জ’নিয়ে তেওঁক কে’বাবাৰো শৰীৰিক আক্ৰমণ কৰিছিল৷ এম্বেৰৰ মতে ২০১৩ চনৰ পৰাই জ’নিয়ে তেওঁক শাৰীৰিক অত্যাচাৰ কৰি আহিছে৷
উল্লেখ্য যে ২০০৯ চনত দ্য ৰাম ডায়েৰী নামৰ ছবিখনত দুয়োৱে অভিনয় কৰিছিল৷ ইয়াৰ কিছু বছৰ পিছতে দুয়োজনে প্ৰেমৰ সম্পৰ্কত বান্ধ খাই আৰু ২০১৫ চনত তেওঁলোক বিবাহপাশত আৱদ্ধ হয়৷
লগতে পঢ়ক সামৰকি তথ্য সংগ্ৰহৰ ভয়ংকৰ জাল! চীনা সেনাত নিয়োগ কৰিছে হিন্দী দোভাষী যুৱক
কিন্তু মাত্ৰ এটা বছৰৰ পিছতে এম্বেৰ হাৰ্ডে জ’নিৰ পৰা বিবাহ বিচ্ছেদ বিচাৰে৷ এম্বেৰে ড্ৰাগছ আৰু সুৰাপান কৰি নিজৰ নিয়ন্ত্ৰণ হেৰুওৱাই জ’নিয়ে তেওঁৰ ওপৰত শাৰীৰিক আক্ৰমণ কৰি অহাৰ বাবেই বিচ্ছেদ বিচৰা বুলি প্ৰকাশ কৰিছিল৷ ২০১৭ চনত তেওঁলোকৰ দুয়োৰে আইনী বিচ্ছেদ সম্পন্ন হয়৷
কিন্তু ইয়াৰ পিছতে অভিনেত্ৰী এম্বেৰ হাৰ্ডে প্ৰাক্তন স্বামী জ’নি দীপ্পৰ বিৰুদ্ধে মানহানিৰ গোচৰ তৰে৷ উক্ত গোচৰৰে বিচাৰ প্ৰক্ৰিয়া এতিয়াও চলি আছে৷ ইফালে অভিনেতা জ’নিয়ে প্ৰাক্তন পত্নী এম্বেৰ হাৰ্ডিয়ে অনা অভিযোগ নস্যাৎ কৰি কয় যে ধন সম্পত্তি ভাগ বতৰা বিচাৰিহে প্ৰাক্তন পত্নী এম্বেৰে তেওঁৰ বিৰুদ্ধে এই ভুৱা অভিযোগবোৰ আনিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
