ৰণবীৰ সিঙৰ অভিনীত ছবি জয়েশভাই জ’ৰ্ডাৰ নামৰ বলিউদৰ ছবিখনে মুক্তি পূৰ্বেই সংকটৰ সন্মুখীন হৈছে৷ প্ৰকাশিত খবৰ মতে ছবিখনে আইনী সংকটৰ সন্মুখীন হৈছে৷
ছবিখনৰ ট্ৰেইলাৰ মুকলি কৰাৰ পিছতে এটা বেচৰকাৰী সংস্থাই ছবিখনৰ বিৰুদ্ধে আইনী পদক্ষেপ গ্ৰহণ কৰিছে৷
লাইভ ল’ৰ সূত্ৰৰ মতে য়ুথ এগেইনষ্ট ক্ৰাইম নামৰ এটা সংস্থাই ছবিখনৰ বিৰুদ্ধে জন্মৰ পূৰ্বে লিংগ নিৰ্ধাৰণ তথা পৰীক্ষা কৰাৰ গুৰুতৰ অভিযোগ কৰিছে৷
লগতে পঢ়ক ‘অভিনেতা ধনুষ আমাৰ তৃতীয় সন্তান’ দাবী বৃদ্ধ তামিল দম্পতীৰ
ইতিমধ্যে সংস্থাটোৱে দিল্লী উচ্চ ন্যায়ালয়ৰ দ্বাৰস্থ হৈছে৷ অধিবক্তা পৱণ প্ৰকাশ পাঠকে আবেদন কৰা অভিযোগনামাত কোৱা হৈছে ছবিখনৰ ট্ৰেইলাৰত আলট্ৰাছাউণ্ড পৰীক্ষাৰ মাধ্যমেৰে জন্মৰ পূৰ্বে ভ্ৰণৰ লিংগ নিৰ্ণয় কৰোৱা দেখুওৱা হৈছে৷
উল্লেখ্য যে প্ৰি-কনচেপ্টচন এণ্ড প্ৰি-নেটাল ডাইগন’ষ্টিক টেকনিকছ (PCPNDT) আইন, ১৯৯৪ৰ অনুসৰি ভাৰতত জন্মৰ পূৰ্বে গৰ্ভতে লিংগ নিৰ্ধাৰণ বা পৰীক্ষা কৰাতো কেৱল নিষিদ্ধই নহয়, ইয়াক দণ্ডীয় অপৰাধ হিচাপেও গণ্য কৰা হয়৷
লগতে পঢ়ক সুৰাত মগন নিচাগ্ৰস্ত চালক; ঘণ্টা ঘণ্টা ধৰি ৰৈ থাকিল যাত্ৰীবাহী ৰে’ল, ক’ত?
বিতৰ্কৰ আৱৰ্ত সোমাই পৰা ৰণবীৰ সিঙৰ অভিনীত ছবিখন প্ৰযোজনা কৰিছে যশৰাজ ফিল্মছৰ আদিত্য চোপ্ৰা আৰু মনীষ শৰ্মাই৷
ছবিখনৰ কাহিনী আৰু পৰিচালনা হৈছে দিব্যাংগ থক্কৰ৷ মূলতঃ হাস্যৰসধৰ্মী এই ছবিখনত ৰণবীৰ সিঙৰ বিপৰীতে চালিনী পাণ্ডে অভিনয় কৰাৰ লগতে বুমন ইৰাণী, ৰত্না পাঠক শ্বাহ, দীক্ষা যোশী আদিয়েও অভিনয় কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
