আজি অসম বিধানসভাত বহু চৰ্চিত UCC বিধেয়ক উত্থাপন হয়। উমৈহতীয়া সম-নাগৰিক সংহিত বিধেয়কখন মুখ্যমন্ত্ৰীৰ হৈ বিধানসভাত উত্থাপন কৰে মন্ত্ৰী অতুল বৰাই। কেবিনেট সিদ্ধান্ত অনুসৰি বিধানসভাত উত্থাপন হয় বিধেয়কখন। UCCৰ খচৰাক অনুমোদন জনাইছিল চৰকাৰৰ প্ৰথমখন কেবিনেটে। আজি বহু গুৰুত্বপূৰ্ণ বিষয়ত UNIFORM CIVIL CODE কঠোৰ হয়।
চৰকাৰে কয় যে প্ৰস্তাৱিত আইনখনৰ লক্ষ্য হৈছে দেৱানী বিষয় যেনে বিবাহৰ নূন্যতম বয়স, বহুবিবাহ, সম্পত্তিৰ অধিকাৰ, বিবাহ পঞ্জীয়ন, আৰু লাইভ-ইন সম্পৰ্ক আদিৰ বাবে একেধৰণৰ আইনী কঠোমা অনা। ইয়াৰ পূৰ্বে বুধবাৰে ৰাজ্যৰ কেবিনেটে খচৰা বিধেয়কখনত অনুমোদন জনাইছিল।
কি কয় মুখ্যমন্ত্ৰীয়ে?
মুখ্যমন্ত্রী হিমন্ত বিশ্ব শর্মাই স্পষ্ট কৰি দিছে যে প্রস্তাৱিত আইনখনে ধর্মীয় পৰম্পৰা আৰু পূজা-পাতলত কোনো ধৰণৰ হস্তক্ষেপ নকৰে৷ তেওঁ উল্লেখ কৰে যে চৰকাৰৰ নামজ, পূজা, ধৰ্মীয় অনুষ্ঠান, বা কোনো ধৰ্মীয় ৰীতি-নীতি নিয়ন্ত্ৰণ কৰাৰ কোনো উদ্দেশ্য নাই। শৰ্মাই কয় যে, “পূজা আৰু নমাজ (পূজাৰ আচাৰ-অনুষ্ঠান)ও ইউচিচিৰ অধীনত পৰিব নেকি সেই সম্পৰ্কে মানুহৰ প্ৰশ্ন থাকিব পাৰে। সেয়েহে আমি ধৰ্মীয় পৰম্পৰাক আইনৰ পৰিসৰৰ পৰা সম্পূৰ্ণৰূপে বাদ দিছো।”
UCC বলবৎ হ’লে ৰাজ্যত কোনেও কৰিব নোৱাৰিব বহু বিবাহ। ইয়াৰ লগতে বিয়াৰ বয়সত থাকিব নূন্যতম সীমা, ম্পত্তি অধিকাৰৰৰ ক্ষেত্ৰত পুত্ৰৰ সমানে অধিকাৰ থাকিব কন্যাৰ অধিকাৰ, লিভ-ইন ৰিলেশ্বনশ্বীপ সম্পূৰ্ণৰূপে হ’ব বন্ধ, জনজাতীয় লোকক UCCৰ পৰা বাহিৰত ৰখা হ’ব, বিভিন্ন ধৰ্মৰ পৰম্পৰাকো UCCৰ আওতাৰ বাহিৰত ৰখা হ’ব, সকলো ধৰ্মৰ ক্ষেত্ৰত বিবাহৰ পঞ্জীয়ন বাধ্যতামূলক হোৱাৰ লগতে নামাজ পঢ়াৰ ক্ষেত্ৰত UCCয়ে ক’তো বাধা নিদিয়ে।
ইফালে ইউচিচিক লৈ বিৰোধীয়ে চৰকাৰক তীব্ৰ আক্ৰমণ চলাইছে। ৰাইজৰ দলৰ মুৰব্বী তথা শিৱসাগৰৰ বিধায়ক অখিল গগৈয়ে দিল্লী আৰু নাগপুৰক সন্তুষ্ট কৰিবলৈ চৰকাৰে এই বিধেয়ক অনাৰ অভিযোগ উত্থাপন কৰে। তেওঁ কয়, মুদ্ৰাস্ফীতি আৰু জনসাধাৰণৰ মৌলিক সমস্যাৰ বিষয়ে আলোচনা কৰাৰ পৰিৱৰ্তে চৰকাৰে হিন্দু-মুছলমান ৰাজনীতি কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
