সমাগত স্বাধীনতা দিৱস৷ প্ৰধানমন্ত্ৰী নৰেন্দ্ৰ মোদীৰ আহ্বান ক্ৰমে সমগ্ৰ দেশৰ লগতে অসমতো ঘৰে ঘৰে ত্ৰিৰংগা পতাকা উত্তোলন আৰম্ভ হৈছে৷ ঠিক তেনে সময়তে নিষিদ্ধ ঘোষিত বিদ্ৰোহী সংগঠনে আগন্তুক স্বাধীনতা দিৱসৰ প্ৰাকক্ষণতে কূটাঘাট সংঘটিত কৰিছে৷
স্বাধীনতা দিৱসলৈ মাজত মাত্ৰ ৬ টা দিন থকা অৱস্থাত আলফা(স্বাঃ) আৰু এনএছচিএন-এ আচাম ৰাইফলছৰ শিবিৰত ভয়ংকৰ আক্ৰমণ সংঘটিত কৰিছে৷
তিনিচুকীয়াৰ ভাৰত-ম্যানমাৰৰ পাংচুপাছস্থিত সেনা শিবিৰত দুয়োটা সংগঠনে যুটীয়াভাৱে চলোৱা ভয়াৱহ আক্ৰমণত এজন সেনা বিষয়া আহত হোৱা বুলি জানিব পৰা গৈছে৷
লগতে পঢ়ক বিহাৰত বিজেপি আৰু JDUৰ মধুচন্দ্ৰিকাৰ অন্ত! RJDৰে গঢ়িব আকৌ সম্পৰ্ক! চাওক লাইভ আপডেট
পুৱতি নিশা নিষিদ্ধঘোষিত সংগঠন দুটাই আক্ৰমণৰ পিছতেই দুয়োপক্ষৰ মাজত প্ৰায় ২ ঘণ্টা ধৰি গুলীয়াগুলী চলে।
জানিব পৰা মতে আছাম ৰাইফলছে নতুনকৈ স্থাপন কৰা এটা শিবিৰত পুৱতি নিশা প্ৰায় ২.৩০ মান বজাত আলফা (স্বাধীন) আৰু এনএছচিএন-এ মৰ্টাৰেৰে আক্ৰমণ কৰে। পুৱতি নিশাৰ পৰা চলা এই এম্বুশত সংগঠন দুটাই সেনাৰ তিনিটাকৈ শিবিৰত পুৱা ৫ বজলৈকে অব্যাহত থাকে।
ঘটনাস্থলীলৈ ২ খনকৈ এম্বুলেঞ্চ প্ৰেৰণ কৰা হৈছে। স্বাধীনতা দিৱস আহি থকাৰ মাজতে সংঘটিত হোৱা এই ঘটনাই তীব্ৰ চাঞ্চল্য সৃষ্টি কৰিছে। উল্লেখ্য যে আলফা (স্বাধীন)এ স্বাধীনতা দিৱস বৰ্জন কৰিবলৈ সকলোকে আহ্বান জনাইছিল।
ইয়াৰ পিছতে আছাম ৰাইফলছে নতুনকৈ স্থাপন কৰা এটা শিবিৰত আলফা (স্বাধীন) আৰু এন এছ চি এনে মৰ্টাৰেৰে আক্ৰমণ কৰাত আগন্তুক স্বাধনীতা দিৱসত উদযাপনকলৈ ৰাজ্যবাসী উদ্বিগ্ন হৈ পৰা দেখা গৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
