এয়া বহুতৰ বাবে সপোন যেন লগা এক কাহিনী৷ এবাৰ এহাল দম্পতীলৈ দেশৰ বিখ্যাত উদ্যোগপতি ৰতন টাটাই ফোন কৰিলে৷ ফোনত ক’লে, ‘‘হেল্ল’… মই ৰতন টাটাই কৈছো, আমি এবাৰ লগ কৰিব পাৰোনে?’’ ইয়াৰ পিছৰখিনি দম্পতীহালৰ বাবে ইতিহাস৷
পুনেৰ অদিতি ৱালুঞ্জ আৰু চেতন ৱালুঞ্জে এক ষ্টাৰ্টআপ কোম্পানী আৰম্ভ কৰে৷ তেওঁলোকৰ ষ্টাৰ্টআপ কোম্পানীটোৱে ‘ম’বাইল ইলেক্ট্ৰিক চাৰ্জিং বাহন’ মুকলি কৰে৷ তেওঁলোকৰ আদৰ্শ পুৰুষ আছিল দেশৰ বিখ্যাত উদ্যোগপতি ৰতন টাটা৷
তেওঁলোকে ৰতন টাটাক সাক্ষাতৰ মন মেলিলে৷ কথাটো তেওঁলোকে বিভিন্ন বন্ধু বান্ধৱৰ আগতো ক’লে৷ সকলোৱে তেওঁলোকৰ কথাটো হাঁহিৰে উৰুৱাই দি কয় এয়া অসম্ভৱ! ৰতন টাটাই কিয় তেওঁলোকক সাক্ষাৎ কৰিব!
লগতে পঢ়ক অশান্ত হ’ব নেকি স্বাধীনতা দিৱস? আছাম ৰাইফলছৰ শিবিৰিত আফলা(স্বা), এনএছচিএনৰ ভয়ংকৰ আক্ৰমণ
কিন্তু দম্পতীহাল হতাশ হোৱা নাছিল৷ এদিন অদিতিয়ে ৰতন টাটালৈ এখন পত্ৰ প্ৰেৰণ কৰে৷ পত্ৰখনত ৰতন টাটাক সাক্ষাৎ কৰাৰ ইচ্ছাৰ বিষয়ে উল্লেখ কৰে৷ কিন্তু, পত্ৰখনৰ কোনো উত্তৰ নাহিল৷
উত্তৰ নহাত দম্পতীহালে ৰতন টাটাক সাক্ষাৎ কৰিবলৈ টাটাৰ বাসগৃহত পালেগৈ৷ তেওঁলোকে ৰতন টাটাৰ বাসগৃহৰ সন্মুখত ১২ ঘণ্টা খাপ পিটিও সাক্ষাৎ লাভ নকৰিলে৷ তেওঁলোকে বিফল মনোৰথেৰে হোটেললৈ গুচি গ’ল৷
হোটেলত থাকোতে অদিতিলৈ এটা ফোন আহে৷ ফোনটোৰ সিটো পাৰে এটা পুৰুষ কণ্ঠ৷ ক’লে, ‘‘হেল্ল’ মই অদিতিৰ লগত কথা পাতিব পাৰিম নে?’’ অদিতিয়ে উত্তত কয়, ‘‘কাৰ কছা কৈছে?’’ সিটো মূৰে আকৌ ক’লে, ‘‘মই ৰতন টাটাই কৈছো৷ আপোনাৰ চিঠিখন মই পাইছো, আমি লগ পাব পাৰোনে?’’
লগতে পঢ়ক গীৰ্জাত কন্যা শিশুক যৌন নিৰ্যাতন! গ্ৰেপ্তাৰ হ’ল গীৰ্জাৰ যাজক
অদিতি হতবাক! এটা সপোন বাস্তৱত পৰিণত হোৱা দিশে অদিতি আপৰু চেতন আনন্দত নাচি উঠিল৷ পিছদিনা তেওঁলোক আকৌ ৰতন টাটাৰ ঘৰ পালেগৈ। ৰাতিপুৱা ঠিক ১১ বজাত তেওঁলোকে টাটাক সাক্ষাৎ কৰে।
প্ৰায় তিনি ঘণ্টা ধৰি চলিছিল তেওঁলোকৰ বৈঠক। ৰতন টাটাই নিজৰ অভিজ্ঞতাৰ কথা ব্যক্ত কৰাৰ লগতে তেওঁলোকৰ সংস্থাই কেনেকৈ উন্নতিৰ শিখৰত উপনীত হ’ব পাৰে তাৰো টিপছ দিয়ে। আৰু এইদৰেই দম্পতীহালৰ সপোন পূৰ হোৱাই নহয় ২০১৯ আৰু ২০২২ চনত ষ্টাৰ্টআপটোত ৰতন টাটাৰ গ্ৰুপে মূলধন বিনিয়োগ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
