দুই সন্তান, পত্নীক এৰি প্ৰেমিকাৰ সৈতে পলাই স্বামীয়ে বিবাহৰ সলনি কৰিলে এই ঘটনা, সকলো আচৰিত
উত্তৰ প্ৰদেশৰ পৰা আহিছে এক অতিকে আজৱ খবৰ। পত্নী আৰু দুই সন্তানক এৰি প্ৰেমিকাৰ সৈতে পলাই গৈ স্বামীয়ে কৰিলে এক অতিকে আজৱ কাণ্ড, যি কাণ্ড পোহৰলৈ অহাৰ পাছতে হতভম্ব হৈ পৰিছে পৰিয়ালৰ লোকৰ লগতে আৰক্ষীয়ে।
উত্তৰ প্ৰদেশৰ বুলন্দশ্বাহৰ জিলাৰ পৰা আহিছে এই খবৰ। পত্নী আৰু দুই সন্তানক এৰি নিজতকৈ ৬ বছৰ সৰু প্ৰেয়সীৰ সৈতে পলাই গৈ ফাঁচী লগাই আত্মহত্যা কৰে প্ৰেমিকে। এজোপা গছত ওলমি থকা অৱস্থাত দুয়োকে দেখাৰ পাছকে অঞ্চলটোত তীব্ৰ চাঞ্চল্যৰ সৃষ্টি হয়।
লগে লগে স্থানীয় ৰাইজে আৰক্ষীক খবৰ দিয়ে ঘটনা সন্দৰ্ভত। আৰক্ষীয়ে ঘটনাস্থলীত উপস্থিত হৈ প্ৰেমিকহালৰ মৃতদেহ নমাই মৰণোত্তৰ পৰীক্ষাৰ বাবে প্ৰেৰণ কৰে।
এই ঘটনা সংঘটিত হৈছে বুলন্দশহৰৰ ছাটাৰী থানা এলেকাৰ পাণ্ডাৰৱাল গাঁৱত, য’ত গাঁৱৰ কৰণ (২৫)ৰ একেখন গাঁৱৰ খুশী (১৯)ৰ সৈতে প্ৰেমৰ সম্পৰ্ক আছিল। দুয়োজনে প্ৰায়ে ফোনত কথা বতৰা হৈ আছিল। পূৰ্বৰে পৰা বিবাহিত আছিল কৰণ, লগতে আছিল দুটিকৈ সন্তান।
কিন্তু গভীৰ নিশা কৰণ হঠাতে দিল্লীৰ পৰা গাঁৱলৈ উভতি আহে। আৰু আজি পুৱা গাঁৱৰ সমীপত গছত ওলমি থকা অৱস্থাত কৰণ আৰু তেওঁৰ প্ৰেমিকা খুশীৰ মৃতদেহ উদ্ধাৰ হয়।
আৰক্ষীৰ মতে, পৰিয়ালৰ লোকে অন্যৰ সৈতে খুশীৰ বিবাহৰ কথা পাতিবলৈ আৰম্ভ কৰিছিল, কিন্তু কৰণৰ প্ৰেমত পাগল খুছিয়ে অন্যৰ সৈতে বিয়া পাতিব বিচৰা নাছিল। পৰিয়ালৰ লোকে অবিৰতভাৱে বিয়াৰ বাবে জোৰ দি আহিছিল। সেয়ে হয়তো দুয়ো প্ৰেমিক -প্ৰেমিকাই এইদৰে নিজকে শেষ কৰি দি সকলো সমস্যাৰ পৰা পৰিত্ৰাণ বিচাৰে।
কৰণৰ পৰিয়ালৰ লোকে জনোৱা মতে, দুমাহ পূৰ্বে তেওঁ কৰ্মসূত্ৰে দিল্লীলৈ গৈছিল, কেতিয়া গাঁৱলৈ উভতি আহিছিল সেই বিষয়ে তেওঁলোকে গম পোৱা নাছিল। বৰ্তমান এই ঘটনাত দুয়োৰে পৰিয়াল স্তম্ভিত হৈ পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
