ভিক্ষাৰীৰ প্ৰেমত পৰি স্বামী-৬ সন্তান এৰি পলাল মহিলা, থানা গৈ পালে স্বামী
স্বামী আৰু ৬ সন্তানেৰে সুখৰ সংসাৰ আছিল, কিন্তু পৰকীয়া প্ৰেমে কৰি দিলে সকলো শেষ। তাকো পৰকীয়া প্ৰেম এগৰাকী ভিক্ষাৰীৰ সৈতে। প্ৰেমত ইমানেই পগলা হৈ পৰিল মহিলা, শেষত স্বামী-সন্তান সকলোকে এৰি নতুন সংসাৰৰ আশাৰে ভিক্ষাৰীৰ সৈতে পলাল মহিলা।
উত্তৰ প্ৰদেশৰ হৰদয় জিলাৰ পৰা আহিলে এই প্ৰেমৰ আজৱ খবৰ। এগৰাকী ৩৬ বছৰীয়া মহিলাই স্বামী আৰু ছয়টা সন্তানক এৰি ভিক্ষাৰীক লৈ পলায়ন কৰাৰ অভিযোগ উত্থাপন হৈছে। পত্নীৰ পলায়নৰ পাছতে আৰক্ষীৰ কাষ চাপে স্বামী। ভাৰতীয় ন্যায়িক সংহিতাৰ ৮৭ নং ধাৰাত আৰক্ষীৰ ওচৰত এজাহাৰ দাখিল কৰিছে স্বামী ৰাজুৱে। আৰক্ষীয়ে গোচৰটো পঞ্জীয়ন কৰি বৰ্তমান অভিযুক্তৰ সন্ধানত নামি পৰিছে।
এজাহাৰত ৪৫ বছৰীয়া ৰাজুৱে কয় যে পত্নী ৰাজেশ্বৰী আৰু তেওঁলোকৰ ছয়টা সন্তানৰ সৈতে হৰদয়ৰ হৰপালপুৰ অঞ্চলত বাস কৰিছিল। নন্হা পণ্ডিত নামৰ ভিক্ষাৰীজনে কেতিয়াবা চুবুৰীলৈ ভিক্ষা খুজিবলৈ আহিছিল। নন্হা পণ্ডিতে প্ৰায়ে ৰাজেশ্বৰীৰ লগত কথা পাতিছিল আৰু ফোনতো কথা বতৰা পাতিছিল দুয়ো। কিন্তু ইমানলৈ স্বামীৰ কোনো সন্দেহ হোৱা নাছিল।
৩ জানুৱাৰীৰ দুপৰীয়া প্ৰায় ২ বজাত ৰাজেশ্বৰীয়ে কন্যাক কাপোৰ আৰু শাক-পাচলি কিনিবলৈ বুলি বজাৰলৈ যোৱাৰ কথা কৈ ঘৰৰ পৰা ওলাই যায়। কিন্তু স্বামী ঘৰ পোৱাৰ পাছতো বহু দেৰিলৈ পত্নী বজাৰৰ পৰা উভতি নহাত কিছু সন্দেহ হবলৈ আৰম্ভ কৰে স্বামীৰ।
বিচাৰ খোচাৰ কৰিয়ো কতো কোনো সন্ধান লাভ নকৰে। পত্নীৰে ঘৰত থকা সকলো সাঁচতীয়া ধন লৈ উধাও হোৱাত সন্দেহ হয়, সেয়ে শেষত কাষ চাপে আৰক্ষীৰ। আৰক্ষীয়ে এতিয়া ৰাজেশ্বৰীৰ লগতে নন্হা পণ্ডিতৰ সন্ধাানত নামি পৰিছে। কিন্তু বৰ্তমানলৈ কতো কোনো সম্ভেদ পোৱা নাই আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
