অসম লাইভ২৪ঃ লখিমপুৰৰ এছ পি হিচাপে যোগদান কৰাৰ পাছতেই সংবাদ শিৰোনামত কেৱল আনন্দ মিশ্ৰ। আনন্দ মিশ্ৰৰ পূৰ্বৰ জনপ্ৰিয়তা যেন আকৌ ঘূৰি আহিছে। কেৱল নকল সোনৰ ব্যৱসায়ীয়ে নহয় আনন্দ মিশ্ৰৰ পদুলিত ইউটিউবাৰ মিডিয়া সকলোৰে ভীৰ। নহ’বনো কিয়? তেওঁৰ এটা ভাষ্যৰেই আছে বহু ডিমাণ্ড। আনন্দ মিশ্ৰৰ এই জনপ্ৰিয়তা তেওঁৰ কথাৰ বাবেই নহয় কামৰ বাবেও। কিন্তু এই ভাষ্য এতিয়াৰে পৰা কোনোৱে আৰু শুনা নাপাব। তেওঁ সংবাদ মাধ্যমৰ আগত মন্তব্য দিয়াত বাধা আৰোপ কৰা হৈছে।
নকল সোণৰ ব্যৱসায়ৰ সৈতে জড়িত থকা সকলোকে গ্ৰেপ্তাৰ কৰাৰ পণ লোৱা বিষয়াগৰাকীয়ে পূৰ্ণদম্যে আৰম্ভ কৰিছে অভিযান। এই অভিযানত সচেতন নাগৰিকে সংগ দিয়াৰ উপৰিও নকল সোণৰ বেহাৰ সৈতে জড়িত থকাসকলে থৰহৰি কম্পমান হৈ চাৰেণ্ডাৰ কৰিবলৈ থানাত লাইন ধৰিছেহি। এই সকলোবোৰৰ মাজতেই সংবাদ মাধ্যমত ভাষ্য নিদিলেও আনন্দ মিশ্ৰই সামাজিক মাধ্যমত নিজা পেজত শ্বেয়াৰ কৰিছে বিশেষ ভিডিঅ’।
ভিডিঅ’টোত আনন্দ মিশ্ৰই দিছে কেইটামান বিশেষ কিটিপ। লাইভ ভিডিঅ’টোত UPSC ত কেনেদৰে সফল হ’ব তাৰেই কিটিপ দিছে আনন্দ মিশ্ৰই। তেওঁ কৈছে, ‘মই আনন্দ মিশ্ৰ। UPSC পৰীক্ষাত মই কেনেদৰে সফল হৈছিলো। সফলতাৰ কথাবোৰো হয়তো নৱপ্ৰজন্মক আগবাঢ়ি যোৱাত সহায় কৰিব পাৰে সেয়ে এই ভিডিঅ’টো কৰিছো। UPSC পৰীক্ষাত কাৰেণ্ট এফেয়াৰৰ্ছ বিষয়বোৰ কেনেদৰে চাব লাগে? এই প্ৰশ্নৰ উত্তৰত আনন্দ মিশ্ৰই কয়, কাৰেণ্ট এফেয়াৰ্ছ UPSCত পঢ়িবলগা বিষয় নহয় এয়া এক অভ্যাস হ’ব লাগে। এগৰাকী UPSCৰ বাবে আগবাঢ়ি অহা ছাত্ৰই সমাজখনৰ প্ৰত্যেক দিশতেই নজৰ ৰাখিব লাগে। কি চলি আছে সমাজত এই কথাবোৰত নজৰ ৰাখিব লাগে। মেগাজিন, পেপাৰ আদি পঢ়াৰ লগতে বিষয়বোৰ নিজাধৰণেও ভাৱিবলৈ যত্ন কৰিব লাগে। নিউজ একোটা পঢ়োতে সদায়ে আঁৰৰ কথাবোৰ জানিবলৈ চেষ্টা কৰিব লাগে। নিউজটোৰ বেকগ্ৰাউণ্ড জানিবলৈ গুগল বা আন জনা শুনা ব্যক্তিৰ সৈতে কথা পাতি বিষয়টো জানিবলৈ চেষ্টা কৰিব লাগে।
UPSCৰ বাবে কেনেকৈ তৈয়াৰ হ’ব? সেই কথাৰো উত্তৰ দিছে আনন্দ মিশ্ৰই। আপোনাৰ UPSCৰ প্ৰস্তুতি আৰম্ভ হয় ক্লাছ এইটৰ পৰাই। ক্লাছ এইটৰ পৰা ক্লাছ টুৱেলভলৈ পাঠ্যক্ৰমৰ বিষয়ৰ পুংখানুপুখ জ্ঞান ল’বলৈ যত্ন কৰিব লাগে। বিশেষকৈ মেটছৰ জ্ঞান জৰুৰী। এখন কিতাপ ১০ বাৰ পঢ়াতকৈ এবাৰতেই জ্ঞান আয়ত্ব কৰিবলৈ যত্ন কৰিব লাগে। কিন্তু ইয়াৰ মাজতেই ৰিভিজন জৰুৰী। কাৰণ এখন কিতাপ ১০ বাৰ পঢ়িলে ১০ বাৰেই বিভিন্ন নতুন দিশ চকুত পৰে। মই প্ৰায় এটা বিষয়ক ৫ বাৰ পঢ়িছিলো। কিন্তু পৰীক্ষা কাষ চাপি অহাৰ লগে লগে পঢ়াত গুৰুত্বটো বঢ়াই দিয়াটো নিশ্চিতভাৱে জৰুৰী। অন্যান্য কিতাপ পঢ়াটো জৰুৰী যদিও এয়া স্মাৰ্ট ষ্টাডী নহয়, এগাল কিতাপ পঢ়াতকৈ দুখন কিতাপ পঢ়ক কিন্তু জ্ঞান ভালকৈ আয়ত্ব কৰক।
ইতিহাস বিষয়ক লৈ বহুতেই UPSCত পিছপৰি থাকে। ইতিহাসক কেতিয়াও পাঠ্যক্ৰম নাভাৱিব। তাতকৈ এক কাহিনী বুলি মনতে কল্পনা কৰি ল’ব। নিজকে কাহিনীটোৰ সৈতে একাত্ম কৰিবলৈ যত্ন কৰিব। তেতিয়া এই বিষয়টো আপোনাৰ বাবে আটাইতকৈ সহজ হৈ পৰিব। এইসমূহৰ মাজতেই UPSCত মন কৰিবলগা কথাটো হৈছে আপুনি চিলেৱাছ সম্পূৰ্ণৰূপে জানি লৈ চিলেৱাছ মতেই আগবাঢ়িবলৈ যত্ন কৰিলেহে সফল হ’ব পাৰিব। এয়া পৰীক্ষাই নহয়। এয়া এজন ব্যক্তিৰ দৃঢ়তা, আপোনাৰ ব্যক্তিত্ব, আপুনি জীৱনক কেনেকৈ লৈছে সেইসমূহো এই পৰীক্ষাৰ সৈতে জড়িত হৈ আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
