হলিউদৰ চুপাৰ হিৰো চিনেমাসমূহত কিছুমান ভৱিষ্যদ্ৰষ্টাই পৃথিৱীৰ ভৱিষ্যদ্বাণী কৰা দেখা যায়৷ অৰ্থাৎ সময় ভ্ৰমণ (Time Travelling)ক মূল বিষয়বস্তু হিচাপে লৈ নিৰ্মিত এই ছবিসমূহত পৃথিৱীত অদূৰ ভৱিষ্যতে কি ঘটিব বা ঘটিব পাৰে সেই বিষয়ে চিত্ৰায়ণ কৰা হয়৷ অৱেশ্যে মানুহে উক্ত ছবিসমূহক কল্পকাহিনী হিচাপেই উপভোগ কৰি আহিছে৷
কিন্তু এইবাৰ তেনে কল্পকাহিনীক বাস্তৱ বুলি দাবী কৰা লোকো উলাইছে৷ লোকজনে দাবী কৰিছে যে তেওঁ ভৱিষ্যৎ ভ্ৰমণৰ পৰা উভতি আহিছে৷ আৰু সেয়ে তেওঁ অদূৰ ভৱিষ্যতে কি ঘটিব পাৰে সেয়া তেওঁ এতিয়াই ক’ব পাৰে!
লোকজনে দাবী কৰিছে যে মাত্ৰ কেইটামান মাহৰ ভিতৰতে পৃথিৱীৰ পৰা কে’বালক্ষ মানুহ বহু অদৃশ্য হৈ পৰিব৷ লিঅ’নাৰ্ড নামৰ লোকজনে দাবী কৰিছে যে চলিত বৰ্ষৰ আগষ্টত পৃথিৱীৰ পৰা ২০ লাখ মানুহ অন্তৰ্ধান হৈ পৰিব৷
লগতে পঢ়ক পাইলট মাতৃ-পুত্ৰৰ দৃশ্যই অন্তৰ চুইছে লক্ষ লক্ষ লোকৰ! চাওক আহক ভিডিঅ’টো
টিকটকাৰ লিঅ’নাৰ্ডে টিকটক একাউণ্টৰ এক ভিডিঅ’ত এই দাবী কৰি কৈছে যে তেওঁ কোহি নামৰ এগৰাকী ভৱিষ্যৎ ভ্ৰমণকাৰীয়ে এক ডকুমেণ্টত ২০২২ চনত কে’বাটাও আচৰিত ঘটনা সংঘটিত হ’ব বুলি দাবী কৰিছে৷
ভাইৰেল ভিডিঅ’টোৰ মতে ২০২২ চনৰ জুলাই মাহত আমেৰিকা যুক্তৰাষ্ট্ৰত অতি উচ্চ প্ৰাৱল্যৰ ভূমিকম্প হ’ব আৰু পৃথিৱীখন দুটা ভাগত বিভক্ত হৈ পৰিব৷ ইয়াৰ পিছতে ৯ আগষ্টত ৰহস্যজনকভাৱে পৃথিৱীৰ পৰা ২০ লাখ মানুহ অদৃশ্য হৈ পৰিব৷
তেওঁ লগতে দাবী কৰিছে যে চলিত বৰ্ষৰ ৩ অক্টোবৰত ষ্ট’কাৰ নামৰ অদ্ভূত প্ৰাণীবোৰে পৃথিৱীত আক্ৰমণ কৰিব।
লগতে পঢ়ক কিশোৰী কন্যাক যৌন শোষণৰ বলি, গৰ্ভপাত কৰোৱাই সতীৰ্থসহ গ্ৰেপ্তাৰ হ’ল পিতৃ
কিমান সত্য এই দাবী?
ভাইৰেল হোৱা ভিডিঅ’টোৰ এই দাবীবোৰ সত্য নে? কোহিৰ অনুৰাগীসকলে এই দাবীক সত্য বুলি বিশ্বাস কৰিলেও আচলতে এই দাবীৰ কোনো সত্যতা নাই৷
কিন্তু টিকটকাৰ কোহিৰ অনুৰাগীসকলে এই অদ্ভূট দাবীক সত্য বুলি বিশ্বাস কৰি ভগৱানৰ শৰণাপন্ন হোৱা দেখা গৈছে৷ অনুৰাগীসকলৰ মতে এই দুৰ্ভিক্ষৰ পৰা কেৱল ইশ্বৰেহে মানৱকুলক ৰক্ষা কৰিব পাৰিব৷ আনহাতে, সচেতন লোকসকলে কোহিৰ এই দাবীক উপহাস কৰাহে দেখা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
