বাপেক চাই পুতেক! পিতৃৰ দৰেই তীব্ৰ দ্বিশতক পুত্ৰৰ, গৌৰৱত উজলি উঠিল পিতৃ
এটা ইনিংছত ৩৪টা চাৰি আৰু দুটা ছয় কোবাই তীব্ৰতাৰে অৰ্জন কৰে দ্বিশতক, যাৰ ফলত এতিয়া পুত্ৰক পিতৃৰ দৰেই একে পথেৰে গতি কৰা বুলি বহুতেই কৈছে। একেবাৰে বাপেক চাই পুতেক। পিতৃয়ে যিদৰে ভাৰতীয় ক্ৰিকেট দলৰ হৈ বহু খেলত জয়ৰ ভূমিকা লোৱাৰ লগতে বহু ৰেকৰ্ডো নিজৰ নামত কৰি এক মাইলৰ খুটি কৰি থৈ গৈছে, এতিয়া পুত্ৰৰো সেই একেই পথেৰে যাত্ৰা।
ইয়াত নাম লৈ থকা পুত্ৰ গৰাকী গৈছে আৰ্যবীৰ ছেহৱাগ, হয় ঠিকেই ধৰিছে, বীৰেন্দৰ ছেহৱাগৰ সুযোগ্য সন্তান আৰ্যবীৰ। পিতৃৰ পদাংক অনুসৰণ কৰিলে বীৰেন্দৰ ছেহৱাগৰ পুত্ৰ আৰ্যবীৰ। কোচবিহাৰ ট্ৰফী প্ৰতিযোগিতাত আৰ্যবীৰ ছেহৱাগে দিল্লী দলৰ হৈ উজ্জ্বল বেটিং কৰি দ্বিশতক অৰ্জন কৰে।
বিশেষ কথাটো হ’ল, দিনটোৰ খেলৰ শেষলৈকে আৰ্যবীৰ ক্ৰীজত থাকি ২০০ ৰান সংগ্ৰহ কৰি অপৰাজিত হৈ থাকে। আৰ্যবীৰৰ ধুমুহাময় বেটিঙৰ বাবে দিল্লী দলে মেঘালয়ৰ বিৰুদ্ধে অতি শক্তিশালী স্থানত উপনীত হৈছে।
দেউতাকৰ দৰে আৰ্যবীৰেও কেচবেহাৰ ট্ৰফীত (Cooch Behar Trophy) বেটখনেৰে বহু হুলস্থুল কৰিছে। দিল্লীৰ হৈ খেলা আৰ্যবীৰে উজ্জ্বল বেটিং কৰি দুটা শতক অৰ্জন কৰে।
খেলত আৰ্যবীৰ ছেহৱাগৰ ইনিংছৰ বাবেই দিল্লীয়ে মেঘালয়ৰ বিৰুদ্ধে খেলা মেচখনৰ প্ৰথম ইনিংছৰ ভিত্তিত ২০৮ ৰানৰ বিপুল অগ্ৰগতি লাভ কৰিছে। মাত্ৰ দুটা উইকেট হেৰুৱাই স্ক’ৰ ব’ৰ্ডত ৪৬৮ ৰান সংগ্ৰহ কৰিছে দিল্লীয়ে।
উল্লেখ্য যে, বীৰেন্দৰ ছেহৱাগৰ দুজন পুত্ৰ। আৰ্যবীৰ ডাঙৰ পুত্ৰ, ২০০৭ চনত জন্ম আৰ্যবীৰৰ, আনহাতে সৰু পুত্ৰ বেদান্তৰ ২০১০ চনত জন্ম।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
