জন্মছকৰ দশম ঘৰৰ মাহাত্ম্য জানেনে? কোষ্ঠীৰ এই ঘৰেই সলাই দিব পাৰে আপোনাৰ জীৱন

আমি যি মুহূৰ্তত পৃথিৱীত জন্ম লওঁ সেই মুহূৰ্তত আকাশত বিভিন্ন গ্ৰহ নক্ষত্ৰৰ অৱস্থানৰ ব্লুপ্ৰিণ্ট হৈছে আমাৰ জন্মছক৷ বৈদিক জ্যোতিষত যি ৯ গ্ৰহৰ উল্লেখ পোৱা যায় প্ৰতিটো গ্ৰহেই জন্মছকৰ কোনোবা নহয় কোনোবা ঘৰত অৱস্থান কৰে৷ জন্মছক বা কুণ্ডলীয়ে কেৱল আমাৰ চৰিত্ৰৰ বৈশিষ্ট্যই তুলি নধৰে, ই আমাৰ অতীত আৰু ভৱিষ্যৎ সম্পৰ্কেও আলোকপাত কৰে৷ আকাশত গ্ৰহৰ স্থান অনুসৰি কোষ্ঠীতো ঘৰ সলনি কৰে গ্ৰহই, তাৰ প্ৰভাৱ আমাৰ জীৱনত পৰে৷ জন্মছকৰ প্ৰতিটো ঘৰৰ নিৰ্দিষ্ট অৰ্থ আছে আৰু প্ৰতিটো ঘৰেই জীৱনৰ এটা এটা ক্ষেত্ৰৰ প্ৰতিনিধিত্ব কৰে৷ জন্মকোষ্ঠীত মুঠ ১২ টা ঘৰ থাকে৷ জানি থওক দশম ঘৰৰ বিস্তাৰিত বিৱৰণ৷

জন্মছকৰ দশম ঘৰ

কোষ্ঠীৰ দশম ঘৰক কোৱা হয় কৰ্মৰ গৰ৷ এই ঘৰৰ সৈতে আপোনাৰ কেৰিয়াৰ আৰু সামাজিত মৰ্যদাযুক্ত৷ দশম ঘৰক ভালধৰণে বিচাৰ কৰিলে জাতকৰ পেছাগত জীৱন কেনে হ’ব সেয়া জানিব পাৰি৷ জাতকৰ ভাৱমূৰ্তি, সামাজিক পদমৰ্যদা আৰু কেৰিয়াৰত সাফল্য সম্পৰ্কযুক্ত৷ দশম ঘৰ মকৰ ৰাশিৰ এনাৰ্জি আৰু উচ্চাকাংক্ষাক তুলি ধৰে৷ আপুনি কোনো পেছাক অৱলম্বন কৰিব আৰু কেৰিয়াৰত কি কি ভুল কৰিব সেয়াও বুজা যায় দশম ঘৰ পৰ্যালোচনা কৰে৷

জ্যোতিষ অনুসৰি দশম ঘৰ হৈছে কৰ্মফলদাতা শনিৰ নিজস্ব ঘৰ৷ জন্মছকত শক্তিশালী গ্ৰহ থাকিলে জাতক সমাজত প্ৰভাৱশালী ব্যক্তি হৈ উঠিব পাৰে৷ ৰাজনীতি আৰু প্ৰশাসনত উল্লেখযোগ্য ভূমিকা ল’ব পাৰে জাতকে৷ আনকি দশম ঘৰ শক্তিশালী হলে দেশৰ প্ৰধানমন্ত্ৰী বা ৰাষ্ট্ৰপতিও হোৱা সম্ভৱ৷

• কোষ্ঠীৰ দশম ঘৰৰ মূল কথা
• দশম ঘৰৰ বৈদিক নামঃ কৰ্ম ভৱ৷
• অধিপতি গ্ৰহ আৰু ৰাশিঃ অধিপতি গ্ৰহ শনি আৰু ৰাশি মকৰ
• শৰীৰৰ কোন অংশ সম্পৰ্কযুক্তঃ আঁঠু আৰু থাই
• দশম ঘৰৰ সৈতে যুক্ত ব্যক্তিঃ বছ, নেতা, প্ৰভাৱশালী ব্যক্তি, পিতৃস্থানীয় ব্যক্তি
• দশম ঘৰৰ কামঃ নেতৃত্ব দিয়া, অন্যক কাম এছাইন কৰা, নিজৰ দায়িত্ব পালন কৰা

দশম ঘৰত বিভিন্ন গ্ৰহৰ অৱস্থানৰ প্ৰভাৱ

দশম ঘৰত সূৰ্য

কোষ্ঠীৰ দশম ঘৰত সূৰ্য থাকিলে আপুনি কেৰিয়াৰত সফলতা লাভ কৰিব৷ এই জাতক অত্যন্ত কেৰিয়াৰ সচেতন হয়৷ পেছাগত জীৱনত উন্নতিৰ চিৰি বগাই ওপৰলৈ উঠিব পাৰে এই ৰাশিৰ জাতক৷ চাপ লৈ কাম কৰাৰ ক্ষমতা থাকে এওঁলোকৰ৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ