অসম লাইভ ২৪ঃ ছ’চিয়েল মিডিয়াত ধুমুহাৰ গতিৰে ভাইৰেল ছ’চিয়েল মিডিয়া ষ্টাৰ হাজবুল্লাহ মেগমেডভ। প্ৰথম দৃষ্টিত এটি কণমানি শিশু মেগমেডভ। প্ৰায় সকলো ছ’চিয়েল মিডিয়া প্লেটফৰ্মতে চৰ্চিত ইউটিউবাৰ হাজবুল্লাহ মেগমেডভ। কিন্তু হাজবুল্লাহ মেগমেডভৰ চেহেৰাক লৈ বহুতৰে বিভিন্ন প্ৰশ্ন। দেখাত ৫ বছৰীয়া যেন লগা শিশুটিৰ চেহেৰাত প্ৰকাশ পায় প্ৰাপ্তবয়স্কৰ চাৰিত্ৰিক বৈশিষ্ট্য। তাকে লৈ এতিয়া সৰ্বত্ৰ চৰ্চা। তাজিকিস্তানৰ ১৭ বছৰীয়া গায়ক আবদু ৰোজিকৰ সৈতে হাজবুল্লাহ মেগমেডভ MMA ছ’চিয়েল মিডিয়া জগতত বিশ্বব্যাপি এক কিম্বদন্তী হিচাপে চৰ্চাত আছে। ৰাছিয়াৰ মাখাচকালাৰ ১৮ বছৰীয়া ব্ল’গাৰ হাজবুল্লাহ ছ’চিয়েল মিডিয়াত ‘mini khabib’ ৰূপেও পৰিচিত। growth hormone deficiency নামৰ এক জেনেটিক ডিচঅৰ্ডাৰৰ বাবে কম উচ্চতা অথচ উচ্চ স্বৰৰ সৈতে এটি শিশুৰ দৰে চেহেৰা হাজবুল্লাহ মেগমেডভৰ। হাজবুল্লাহৰ উচ্চতা ৩ ফুট ৩.৭ ইঞ্চি আৰু ওজন ১৬ কিলোগ্ৰাম। ২০২০ চনৰ পৰাই বিভিন্ন হাস্যৰসিক বিষয়বস্তুৰ উপস্থাপনেৰে ছ’চিয়েল মিডিয়াত পৰিচিত হৈ পৰিছিল তেওঁ। ২০২০ চনত টিকটিকত শিশুৰ সৈতে কাজিয়া কৰাৰ অভিনয়েৰে কৰা ভিডিঅ’ আপলোড কৰি জনপ্ৰিয় হৈ পৰিছিল হাজবুল্লাহ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
