আগন্তুক নগাঁও লোকসভা উপ নিৰ্বাচনৰ পূৰ্বেই বদৰুদ্দিন আজমলৰ যেন লাগিল শনি। মনোনয়ন পত্ৰ দাখিল কৰিবলৈ আহি এক অঘটনৰ সন্মুখীন হ’ল সাংসদ তথা AIUDF নেতা বদৰুদ্দিন আজমল। ভিৰৰ মাজতে চুৰি হ’ল AIUDFপ্ৰধান আজমলৰ মোবাইল ফোন।
জানিব পৰা মতে, মনোনয়ন পত্ৰ দাখিলৰ বাবে আজমল আয়ুক্ত কাৰ্যালয়ৰ সন্মুখত উপস্থিত হোৱাৰ সময়তে এই ঘটনা সংঘটিত হয়। নিৰাপত্তাৰক্ষী আৰু দলীয় সমৰ্থকেৰে ঠাইখন ভৰি থকাৰ মাজতেই কোনো দুৰ্বৃত্তই আজমলৰ ব্যক্তিগত সহায়কৰ পৰা তেওঁৰ মোবাইল ফোনটো লৈ যায়। ঘটনাটো সংঘটিত হোৱাৰ পিছতে হুৱাদুৱা লাগে। ভিৰৰ মাজত কেনেদৰে মোবাইল ফোনটো চুৰি হ’ল, সেই সন্দৰ্ভত এতিয়াও সবিশেষ তথ্য পোহৰলৈ অহা নাই।
উল্লেখ্য যে, আয়ুক্ত কাৰ্যালয়ৰ দৰে নিৰাপত্তা ব্যৱস্থা থকা স্থানৰ সন্মুখতে এইদৰে মোবাইল ফোন চুৰি হোৱা ঘটনাই উপস্থিত লোকসকলৰ মাজত চাঞ্চল্যৰ সৃষ্টি কৰিছে। আজমলৰ হেৰুওৱা মোবাইল উদ্ধাৰৰ বাবে এতিয়া আৰক্ষীৰ লোকে অভিযান আৰম্ভ কৰিছে। ঘটনা সন্দৰ্ভত অধিক তথ্যৰ বাবে আৰক্ষীৰ তদন্তৰ দিশে এতিয়া নজৰ থাকিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
