নিশা টোপনি গলেই নাক বন্ধ, অনবৰতে মূৰৰ বিষ, শীতত কিয় ভয়াৱহ হৈ উঠে ছাইনাচ? উপশমৰ উপায় কি?

শীত নামোতেই ঘনে ঘনে চৰ্দি-কাঁহ৷ যথেষ্ঠ সতৰ্কভাৱে চলিছে, ঠাণ্ডাও লগোৱা নাই, তথাপিও নিশা হলেই নাক বন্ধ হৈ আহে, শ্বাস ল’বলৈ কষ্ট হয়৷ পুৱাই উঠি দেখিব যে মূৰৰ বিষ আৰম্ভ হৈছে ঘনে ঘনে হাঁচি আহে৷ ঋতু সলনিৰ সময়ত চৰ্দি-কাঁহ লাগিয়েই থাকে৷ যদি ক্ৰনিক হৈ যায় তেতিয়া বিষয়টো চিন্তাৰ কাৰণ৷ সাধাৰণ চৰ্দি-কাঁহতকৈ বহু বেছি মাৰাত্মক লৈ উঠে ছাইনাচাইটিছ৷ শীতৰ সময়ত ইয়াৰ লক্ষণসমূহ আৰু স্পষ্ট হৈ উঠে৷

ঠাণ্ডাত কিয় বাঢ়ে ছাইনাচ?

কম তাপমাত্ৰা, শুষ্ক পৰিবেশ শ্বাসনলিৰ ভিতৰত প্ৰদাহ বাঢ়ি যায়৷ তাৰ ওপৰত যদি দূষণৰ প্ৰকোপ বেছি থাকে আৰু ভাইৰাছৰ সংক্ৰমণ ঘটে, তেতিয়া হলে ছাইনাচৰ সমস্যা বাঢ়িব পাৰে৷ সাধাৰণতে নাক,কপাল, নাকৰ ঠিক দুইপাশে বহু গহ্বৰ থাকে৷ এই গহ্বৰসমূহক ছাইনাচ বুলি কোৱা হয়৷ এই গহ্বৰসমূহত মিউকাছ জমা হৈ থাকে৷ যদি কোনো কাৰণত এই গহ্বৰসমূহত মিউকাছৰ পৰিমাণ বাঢ়ে বা তৰল জমা হৈ থাকে তেতিয়া প্ৰদাহ আৰম্ভ হয়৷ জমা তৰলত ভাইৰাছ বা বেক্টেৰিয়াই বংশবৃদ্ধি কৰে ফলত এলাৰ্জিৰ সংক্ৰমণ ঘটে৷ তেতিয়া ঘনে ঘনে নাক বন্ধ, ডিঙি বিষ, মূৰৰ বিষ, আনকি শ্বাসকষ্ট হোৱাও দেখা যায়৷

উপশমৰ উপায় কি?

এণ্টিবায়োটিক মুঠি মুঠিকৈ খালে ছাইনাচ নকমে৷ বৰং হিতে বিপৰীত হয়৷ সেয়ে নাক, ডিঙিৰ বিষ, এলাৰ্জি, হাঁচি, কাঁহ বাঢ়িলে চিকিৎসকৰ কাষলৈ যোৱাটোৱেই শ্ৰেয়৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ