৭০ দশকতেই বলীউডত ডিস্ক’ আৰু ৰ’ক মিউজিকৰ ক্ষেত্ৰখনত প্ৰভাৱ বিস্তাৰ কৰিবলৈ সক্ষম হোৱা বিশিষ্ট সংগীতজ্ঞ বাপ্পী লাহিৰীয়ে আজি শেষ নিশ্বাস ত্যাগ কৰে৷ ৬৯ বছৰ বয়সত শেষ নিশ্বাস ত্যাগ কৰে কণ্ঠশিল্পীগৰাকীয়ে৷ তেওঁৰ মৃত্যুত শোক ছাঁ পৰিছে সমগ্ৰ দেশজুৰি, শোকস্তব্ধ অনুৰাগী৷
সোণৰ অলংকাৰৰ প্ৰতি বিশেষভাৱে আকৃষ্ট আছিল কণ্ঠশিল্পী বাপ্পী লাহিৰী৷ সংগীতৰ সমান্তৰালকৈ সোণ-ৰূপৰ প্ৰতি থকা আকৰ্ষণৰ বাবেও জনাজাত আছিল কণ্ঠশিল্পীগৰাকী৷ কিন্তু তেওঁ এই বৃহৎ পৰিমাণৰ সোণৰ অলংকাৰ পৰিধান কৰাৰ পাছত আছে এক ৰহস্য৷ এক ইণ্টাৰভিউত এই কথা প্ৰকাশ কৰিছিল বাপ্পী দাই৷ দৰাচলতে আমেৰিকাৰ প’পষ্টাৰ এলভিছ প্ৰেচলীৰ দ্বাৰা প্ৰভাৱিত আছিল বাপ্পী লাহিৰী৷ বিশেষকৈ কনচাৰ্টৰ সময়ত এলভিছে পৰিধান কৰে সোণৰ চেইন৷ এলভিছক দেখাৰ পাছৰ পৰাই তেৱোঁ সলনি কৰে নিজৰ ষ্টাইল আৰু এনেদৰে পিন্ধিবলৈ আৰম্ভ কৰে সোণৰ চেইন৷
২০১৪ চনত এক শপতনামাত উল্লেখ কৰা অনুসৰি বাপ্পী লাহিৰীৰ ওচৰত ৩৫ লাখ মূল্যৰ সোণ আৰু প্ৰায় ২.৫ লাখ মূল্যৰ ৰূপৰ অলংকাৰ আছিল৷
তাৰোপৰি, বাপ্পী দাৰ ওচৰত থকা সোণৰ পৰিমাণতকৈও অধিক সোণ আছে তেখেতৰ পত্নীৰ ওচৰত৷ বাপ্পী লাহিৰীৰ পত্নী চিত্ৰানীৰ লগত আছে ৯৬৭ কিলোগ্ৰাম সোণ আৰু ৮১৯ কিলোগ্ৰাম ৰূপ আছে৷ ইয়াৰ উপৰি ৪ লাখ টকাৰ অধিক মূল্যৰ হীৰা আছে চিত্ৰানীৰ লগত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
