প্ৰেমানন্দ মহাৰাজৰ পদযাত্ৰা পুনৰ স্থগিত ৰখাৰ খবৰ পোহৰলৈ আহিছে। যাৰ বাবে ভক্তসকলৰ মাজত উদ্বেগ আৰু হতাশাৰ সৃষ্টি কৰিছে। ছ’চিয়েল মিডিয়াত প্ৰচাৰিত পোষ্ট অনুসৰি স্বাস্থ্যজনিত কাৰণত তেওঁৰ পদযাত্ৰা অনিৰ্দিষ্টকাললৈ পিছুৱাই দিয়া হৈছে। আনুষ্ঠানিকভাৱে কোনো সবিশেষ প্ৰকাশ পোৱা নাই যদিও ভক্তসকলে স্বাস্থ্য সম্পৰ্কীয় কাৰণ উল্লেখ কৰিছে।
ৰাধা ৰাণীৰ ভক্ত আৰু সেৱক হিচাপে গণ্য কৰা প্ৰেমানন্দ মহাৰাজৰ দৰ্শন কৰিবলৈ দেশৰ বিভিন্ন প্ৰান্তৰ লাখ লাখ ভক্তই বৃন্দাবন ভ্ৰমণ কৰে। তেওঁৰ দৰ্শন বিচাৰি দৈনিক পুৱাৰ তীৰ্থযাত্ৰাত বৃহৎ সংখ্যক ভক্তই অংশগ্ৰহণ কৰে, যদিও বিগত দুদিন ধৰি মহাৰাজৰ অনুপস্থিতিয়ে ভক্তসকলক যথেষ্ট চিন্তিত কৰি তুলিছে।
এই বিষয়ে খবৰ লোৱাৰ পিছত গম পোৱা যায় যে, মহাৰাজৰ স্বাস্থ্য ঠিকেই আছে যদিও আন কিছুমান বিশেষ কাৰণ আছে, যাৰ বাবে প্ৰেমানন্দ মহাৰাজে পদযাত্ৰা কৰা নাই।
দেওবাৰ আৰু সোমবাৰে কোনো দৰ্শন নাছিল
খবৰ অনুসৰি দেওবাৰ আৰু সোমবাৰে পুৱা সোভাৰ ঋষি কুণ্ডত বৃহৎ সংখ্যক ভক্ত উপস্থিত হয়। সচৰাচৰৰ দৰে ভক্তসকলে মহাৰাজৰ পদযাত্ৰালৈ অপেক্ষা কৰিছিল, কিন্তু তেওঁক দেখা নগ’ল। বহু সময় অপেক্ষাৰ অন্তত পৰিচাৰকসকলে তেওঁলোকক অৱগত কৰে যে অসুস্থতাৰ বাবে মহাৰাজে পদযাত্ৰাত অংশগ্ৰহণ নকৰে।
ভাইৰেল পোষ্টত দাবী
ছ’চিয়েল মিডিয়াত এটা ভাইৰেল পোষ্টত দাবী কৰা হৈছে যে প্ৰেমানন্দ মহাৰাজৰ স্বাস্থ্য সম্পূৰ্ণৰূপে সুস্থ নোহোৱাৰ বাবে পদযাত্ৰা অনিৰ্দিষ্টকাললৈ পিছুৱাই দিয়া হৈছে। ইয়াৰ উপৰিও পদযাত্ৰা আৰম্ভ হ’লে ভক্তসকলক অৱগত কৰা হ’ব বুলিও উল্লেখ আছে।
মহাৰাজক দেখা নাপালে ভক্তসকল হতাশ হৈ পৰিল। বহুতে ৰাধা ৰাণীৰ ওচৰত মহাৰাজৰ আশু আৰোগ্যৰ বাবে প্ৰাৰ্থনা কৰি শীঘ্ৰে সুস্থ হৈ ঘূৰি অহাৰ কামনা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
