৬০ৰ পৰা ২৫ বছৰীয়া হোৱাৰ সপোন দেখুৱাই লুটি নিলে ৩৫ কোটি, টাইম মেচিন দেখুৱাই ঠগালে বহুতক
বয়স অতি সহজে কম হৈ পৰিব। ৬০ বছৰ যদি সহজে ২৫ বছৰীয়া যেন দেখা হব। প্ৰয়োজন কেৱল এটা থেৰাপীৰ। টাইম মেছন আৰু এটা অক্সেজেন থেৰাপীয়ে সলাই পেলাব সকলো। এই আশ্বাস দি এহাল দম্পতিয়ে লুটিলে কোটি কোটি টকা। এতিয়া টকা লৈ উদাও দম্পতিহাল।
সাইলাখ হিন্দী চিনেমা ‘বাণ্টী ঔৰ বাবলি’ৰ দৰে এক কাহিনী। প্ৰৱঞ্চনা কৰি এহাল দম্পতিয়ে লুটিলে ৩৫ কোটি টকা। উত্তৰ প্ৰদেশৰ কানপুৰত টাইম মেচিনৰ জৰিয়তে মানুহক ২৫ বছৰীয়া যেন দেখুৱাবলৈ প্ৰলোভিত কৰি ৩৫ কোটি টকাৰ প্ৰতাৰণা কৰা এটা গোচৰ পোহৰলৈ আহিছে।
ইজৰাইলত নিৰ্মিত এটা বিশেষ টাইম মেচিনটোৰ সহায়ত বয়স্ক লোকক ২৫ বছৰীয়া বনাব বুলি দম্পতীহালে দাবী কৰিছিল। ৰাজীৱ ডুবে আৰু তেওঁৰ পত্নী ৰশ্মিয়ে অক্সিজেন থেৰাপীৰ জৰিয়তে ডেকা কৰি তুলিবলৈ টাইম মেচিন ব্যৱহাৰ কৰি প্ৰতাৰণা কৰিছিল বুলি অভিযোগ উঠিছে।
খবৰ অনুসৰি ৰাজীৱ আৰু ৰশ্মিয়ে যি টাইম মেচিন বুলি দাবী কৰিছিল সেয়া কেতিয়াও ইজৰাইলৰ পৰা অহা নাছিল। সকলো আছিল কেৱল ভেল্কিবাজি।
এতিয়া টকা লৈ পলায়ন কৰা দম্পতীহালক দেশৰ পৰা পলায়ন কৰাত বাধা দিবলৈ বিমানবন্দৰ কৰ্তৃপক্ষক নিশ্চিতভাৱে সতৰ্ক কৰি দিয়া হৈছে। আচলতে তিনিহাস দম্পতীয়ে ৰাজীৱ আৰু ৰশ্মীৰ ওপৰত সন্দেহ কৰি গোটেই কাহিনী আৰক্ষীৰ আগত অৱগত কৰিছিল। এফআইআৰ পঞ্জীয়ন কৰাৰ পিছতে আৰক্ষীয়ে ৰাজীৱ আৰু ৰশ্মীৰ সন্ধানত অভিযান আৰম্ভ কৰে।
আৰক্ষীৰ মতে, ৰাজীৱ আৰু ৰশ্মিয়ে কিদৱাইনগৰত ৰিভাইভেল ৱৰ্ল্ড নামেৰে এটা থেৰাপি চেণ্টাৰ খুলিছিল। দুয়োজনেই গ্ৰাহকক প্ৰতাৰণা কৰিছিল যে টাইম মেচিন আৰু অক্সিজেন থেৰাপীৰ সহায়ত বৃদ্ধ লোকক ২৫ বছৰ বয়সৰ বয়সলৈকে কনাব পাৰি।
কানপুৰৰ ভয়াৱহ প্ৰদূষণৰ উদাহৰণ দি বৃদ্ধক ডেকা কৰি তোলাৰ নামত প্ৰতাৰণা কৰাৰ অভিযোগ ৰশ্মী আৰু ৰাজীৱৰ বিৰুদ্ধে। দুয়োজনে গ্ৰাহকক কৈছিল যে কানপুৰৰ প্ৰদূষণে তেওঁলোকৰ বয়স সোনকালে বয়সীয়াল কৰি তুলিছে আৰু অক্সিজেন থেৰাপীৰ জৰিয়তে কম সময়ৰ ভিতৰতে পুনৰ ডেকা কৰি তুলিব পাৰিব।
প্ৰতিটো থেৰাপীৰ বাবে মানুহৰ পৰা ৯০ হাজাৰ টকা লোৱা হৈছিল। ইয়াৰ উপৰিও ৰাজীৱ আৰু ৰশ্মিয়ে আন গ্ৰাহক অনা সেইসকল গ্ৰাহককো ৰেহাই দিছিল। এই গোচৰৰ মূল অভিযোগকাৰী ৰেণু সিং চাণ্ডেলে কয় যে ৰাজীৱ আৰু ৰশ্মিয়ে তেওঁলোকক কৈছিল যে যদি তেওঁলোকে আন গ্ৰাহক আনে তেন্তে তেওঁলোকে বিনামূলীয়াকৈ থেৰাপী পাব। ৰাজীৱ আৰু ৰশ্মিৰ লগত বহুত মানুহক চিনাকি কৰাই দিয়া বুলি চাণ্ডেলে কয়। এই গোচৰত ভুক্তভোগীৰ সংখ্যা দুডজনৰো অধিক হ’ব পাৰে। বৰ্তমানে অভিযুক্ত ৰাজীব-ৰশ্মিৰ সন্ধানত আৰক্ষী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
