দিল্লী আৰক্ষীয়ে ৰাষ্ট্ৰীয় সাহিত্য অকাডেমী বঁটা বিজয়ী লেখক নীলোৎপল মৃণালৰ বিৰুদ্ধে ধৰ্ষণৰ অভিযোগত গোচৰ ৰুজু কৰিছে। নীলোৎপলৰ বিৰুদ্ধে এগৰাকী যুৱতীয়ে বিবাহৰ প্ৰতিশ্ৰুতিৰে তেওঁক ধৰ্ষণ কৰাৰ অভিযোগ উত্থাপন কৰিছে।
৩২ বছৰীয়া মহিলাগৰাকীয়ে অভিযোগ কৰি কয় যে ৰাষ্ট্ৰীয় বঁটা বিজয়ী লেখিকগৰাকীয়ে বিবাহৰ প্ৰতিশ্ৰুতিৰে তেওঁক যোৱা ১০ বছৰে ধৰি ধৰ্ষণ কৰি আহিছে।
মহিলাগৰাকীয়ে প্ৰকাশ কৰা অনুসৰি ২০১৩ চনত নীলোৎপালৰ সৈতে সামাজিক মাধ্যমৰ যোগেদি তেওঁৰ পৰিচয় ঘটি বাৰ্তালাপ আৰম্ভ কৰিছিল। ইয়াৰ পিছতে কেইবাৰমান সাক্ষাৎ পোৱাৰ পিছত তেওঁলোকৰ মাজত এক গভীৰ বন্ধুত্ব গঢ়ি উঠে।
লগতে পঢ়ক পিঠিৰ শালমইনাৰ পৰা কেনেকৈ পৰিত্ৰাণ পাব? চাওক দুটামান ঘৰুৱা উপায়…
তেতিয়াৰ পৰাই অভিযুক্ত লেখক নীলোৎপলে মহিলাগৰাকীক ধৰ্ষণৰ লগতে শাৰীৰিক অত্যাচাৰ কৰি অহা বুলি আৰক্ষীৰ ওচৰত অভিযোগ কৰিছে৷ অভিযোগ মতে লেখক নীলোৎপলে বিবাহৰ প্ৰলোভনেৰে ৩৪ বছৰীয়া যুৱতীগৰাকীক দীৰ্ঘদিন ধৰি ধৰ্ষণ কৰি আহিছিল আৰু নীলোৎপলৰ বহু যুৱতীৰে সম্পৰ্ক আছে৷
মহিলাগৰাকীৰ অভিযোগ অনুসৰি লেখক নীলোৎপল মৃণালে নিজৰ খ্যাতিৰ বলত মধ্য প্ৰদেশৰ কেইজনমান আৰক্ষী বিষয়াৰে মিলি তেওঁক বিভিন্ন ধৰণৰ ভাবুকি প্ৰদান কৰি আহিছে।
লগতে পঢ়ক বিৰোধীক প্ৰচণ্ড আঘাত অৰবিন্দ কেজৰিৱালৰ; ২০২৪ত মহাজোঁটত নাথাকে আপ-এ
সূত্ৰ অনুসৰি, অভিযোগ দাখিল কৰা মহিলাগৰাকী উত্তৰ প্ৰদেশৰ গোৰখপুৰৰ বাসিন্দা। তেওঁ প্ৰায় ১০ বছৰ ধৰি দিল্লীত ভাৰাঘৰত বাস কৰি আহিছে।
সংবাদ সংস্থা এএনআইৰ প্ৰতিবেদন অনুসৰি ভুক্তভোগী মহিলাগৰাকীয়ে তিমাৰপুৰ আৰক্ষী থানা অভিযোগ দাখিল কৰিছে।
মহিলাগৰাকীৰ অভিযোগৰ ভিত্তিত আৰক্ষীয়ে নীলোৎপলৰ বিৰুদ্ধে বিভিন্ন ধাৰাৰ অধীনত গোচৰ ৰুজু কৰিছে। অৱশ্যে আৰক্ষীয়ে ঘটনাটোৰ তদন্ত আৰম্ভ কৰিলেও এতিয়ালৈকে অভিযুক্ত লেখক নীলোৎপল মৃণালক গ্ৰেপ্তাৰ কৰা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
