বিশ্বৰ মানৱ সমাজত কি কি ঘটনা যে ঘটি নাথাকে! এইবাৰ পোহৰলৈ আহিছে পুৰুষ সংগীৰ বীৰ্য চুৰি কৰি গৰ্ভৱতী হোৱাৰ অপৰাধত এগৰাকী মহিলাই কাৰাদণ্ডৰ নিৰ্দেশ লাভ কৰিছে৷
ঘটনাটো পশ্চিম জাৰ্মানীৰ বেলিফিল্ডৰ৷ ঘটনাৰ বিৱৰণীৰ মতে দুগৰাকী প্ৰাপ্ত বয়স্ক পুৰুষ মহিলাই প্ৰেমৰ সম্পৰ্কৰ অবিহনে কেৱলৰ দৈহিক প্ৰয়োজনৰ বাবে নিয়মীয়া যৌন সম্পৰ্ক স্থাপনৰ সিদ্ধান্ত গ্ৰহণ কৰে৷
ইয়াৰ পিছতে দুয়োৱে নিয়মতভাৱে যৌন সম্পৰ্ক স্থাপন কৰি আহিছে৷ কিন্তু ২০২১ চনত দুয়োৰে মাজত ঘটে এক অনাকাংক্ষিত ঘটনা৷ যিটো মহিলাগৰাকীয়ে পুৰুষগৰাকীক অজ্ঞাতে ৰাখি সংঘটিত কৰে৷
লগতে পঢ়ক অস্কাৰ বিজয়ী সংগীতজ্ঞ এ আৰ ৰহমানৰ কন্যাৰ বিয়া, কোন হয় দৰা?
২০২১ চনত ৩৯ বছৰত ভৰি দিয়া মহিলাগৰাকীৰ ৪২ বছৰীয়া পুৰুষ সংগীগৰাকীৰ প্ৰতি প্ৰেমৰ অনুভূতি জাগ্ৰত হয়৷ এই কথাটো তেওঁ পুৰুষ সংগী গৰাকীক অৱগত কৰে যদিও পৰুষগৰাকীয়ে সম্পৰ্কত আহিবলৈ সন্মত নহয়৷ কিন্তু ইয়াৰ পিছতো তেওঁলোকৰ মাজত শাৰীৰিক সম্পৰ্ক অব্যাহত থাকে৷
কিন্তু মহিলাগৰাকীয়ে ভিতৰি ভিতৰি কেৱল ‘ফ্ৰেণ্ডছ উইথ বেনিফিটছ’ত সন্তুষ্ট থাকিবলৈ নিবিচাৰিলে৷ তাতে তেওঁৰ পুৰুষজনৰ প্ৰতি অনুৰাগ জন্ম হয়৷
ইয়াৰ পিছতে তেওঁ পুৰুষজনক অন্ধকাৰত ৰাখি হঠাতে গৰ্ভৱতী হয়৷ কথাটোত পুৰুষজনক হতবাক হৈ পৰে৷ তেওঁ জানিবলৈ বিচাৰে যে মহিলাগৰাকীৰ গৰ্ভস্থ সন্তানৰ পিতৃ কোন? মহিলাগৰাকীৰ কয় যে ইয়াৰ পিতৃ তেৱেঁ হয়৷ কথাটোত পুৰুষজন আচৰিত হৈ পৰে, সদায় গৰ্ভনিৰোধক ব্যৱহাৰ কৰাৰ পিছতো ই কেনেকৈ সম্ভৱ!!
লগতে পঢ়ক ১৩ মে’ত আহি আছে ‘লোকেল কুংফু’ৰ পৰিচালকৰ নতুন ছবি ‘লোকেল উৎপাত’
ইয়াৰ পিছতে পুৰুষজনে আদালতৰ কাষ চাপে৷ মহিলাগৰাকীৰ বিৰুদ্ধে আদালতত তেওঁৰ ধৰ্ষণৰ গোচৰ দাখিল কৰে৷ আদালতে ঘটনাটো তদন্ত কৰি বিচাৰ প্ৰক্ৰিয়া আৰম্ভ কৰে৷ আদালতত প্ৰমাণ হয় যে মহিলাগৰাকীয়ে পুৰুষগৰাকীক প্ৰতাৰণা কৰিছে৷
এইটো প্ৰতিষ্ঠা হোৱাৰ লগে লগে পৰুষজনে এইবাৰ যৌন নিগ্ৰহ আৰু বীৰ্য চুৰিৰো গোচৰ ৰুজু কৰে৷ আদালতত মহিলাগৰাকীয়ে স্বীকাৰ কৰিছে যে তেওঁলোকৰ মাজৰ মৌখিক চুক্তি ভংগ কৰি তেওঁ পুৰুষজনৰ পৰা বীৰ্য চুৰি কৰিছিল৷ অৰ্থাৎ পুৰুষজনে নজনাকৈ মহিলাগৰাকীয়ে ব্যৱহাৰ কৰিবলগীয়া গৰ্ভনিৰোধকটোত ফুটা কৰি ৰাখিছিল৷ আৰু সেইদৰে বীৰ্য চুৰি কৰি তেওঁ উক্ত পুৰুষজনৰ ঔৰসৰত গৰ্ভধাৰণ কৰে৷
এই সমগ্ৰ গোচৰটোৰ বিচাৰ কৰি আদালতে মহিলাগৰাকীক বীৰ্য চুৰি, চুক্তি ভংগ, প্ৰতাৰণা আদি অপৰাধত কাৰাদণ্ডৰ নিৰ্দেশ দিয়ে৷ এই নিৰ্দেশ প্ৰদান কৰি আদালতে কয় যে জাৰ্মানীৰ ইতিহাসত এনে ৰায় কেতিয়াও প্ৰদান কৰা হোৱা নাছিল আৰু এই ৰায়ে জাৰ্মানীত ইতিহাস ৰচনা কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ