মহিলাৰ এটা দলে ধৰ্ষণত অভিযুক্ত এজন লোকক গছত বান্ধি মৰিয়াই মৰিয়াই হত্যা কৰিছে৷
বুধবাৰে আৰক্ষীয়ে প্ৰকাশ কৰা অনুসৰি ত্ৰিপুৰাৰ ঢালাই জিলাৰ গাণ্ডাছেৰা আৰক্ষীৰ অন্তৰ্গত এক এলেকাত মহিলাৰ এটা গোটে ধৰ্ষণত অভিযুক্ত ৪৬ বছৰীয়া এগৰাকী লোকক গছত বান্ধি মৰিয়াই মৰিয়াই হত্যা কৰিছে৷
আৰক্ষীয়ে প্ৰকাশ কৰা মতে মহিলাৰ প্ৰহাৰত মৃত্যু হোৱা লোকগৰাকী এক হত্যাকাণ্ড সংঘটিত কৰাৰ অপৰাধত আঠ বছৰৰ কাৰাবাস খাটি আহিছিল৷
লগতে পঢ়ক পোলেণ্ডৰ কৰোলিনাৰ শিৰত মিছ ৱৰ্ল্ড ২০২১ৰ মুকুট, ১ম ৰাণাৰ-আপ ভাৰতীয় মূলৰ শ্ৰী ছাইনী
যোৱা মংগলবাৰে নিশা অভিযুক্তগৰাকীয়ে এক ধর্মীয় অনুষ্ঠানলৈ মাতৃৰ সৈতে অহা এগৰাকী ৫ বছৰীয়া কন্যা শিশুক ধৰ্ষণ কৰাৰ বুলি অভিযোগ উঠিছিল৷
অভিযোগ অনুসৰি লোকজনে শিশুটিক সমীপৰ হাবিলৈ নি ধৰ্ষণ কৰি তাতে পেলাই থৈ যায়৷ শিশুটিৰ কান্দোন শুনাৰ পিছতে হাবিৰ সমীপৰ স্থানীয় লোকে উদ্ধাৰ কৰি চিকিৎসালয়ত ভৰ্তি কৰোৱায়৷
স্থানীয় লোকৰ উদ্ধৃতিৰে আৰক্ষীয়ে প্ৰকাশ কৰিছে যে লোকসকলে শিশুটিক হত্যাকাণ্ড সংঘটিত কৰি কাৰাগাৰৰ পৰা মুকলি হৈ অহা লোকজনৰ লগত শেষ মূহূৰ্তত দেখিছিল৷ ইয়াৰ পিছতে স্থানীয় লোকে অভিযুক্ত লোকগৰাকীক গ্ৰেপ্তাৰৰ দাবীত গাণ্ডাছেৰা-অমৰপুৰ ৰাষ্ট্ৰীয় অৱৰোধ কৰে৷
লগতে পঢ়ক ৰাজনীতিলৈ আৰু এক ক্ৰিকেটাৰ; ৰাজ্যসভাৰ সাংসদ হ’ব প্ৰাক্তন ক্ৰিকেটাৰ হৰভজন সিং!
কিন্তু ইয়াৰ পিছতে বুধবাৰে পুৱা স্থানীয় লোকে অভিযুক্ত লোকগৰাকীক কৰায়ত্ত কৰি গছত বান্ধি প্ৰহাৰ কৰে৷ মহিলাসকলৰ প্ৰহাৰত অভিযুক্ত লোকগৰাকীৰ অচেতন হৈ পৰে৷
ইয়াৰ পিছতে অভিযুক্তগৰাকীক স্থানীয় চিকিৎসালয়ত ভৰ্তি কৰোৱা হয় যদিও আহত লোকগৰাকী চিকিৎসাধীন অৱস্থাতে মৃত্যু হয়৷
অভিযুক্তগৰাকীক গছত বান্ধি প্ৰহাৰ কৰাৰ সমগ্ৰ দৃশ্য সামাজিক মাধ্যমত ভাইৰেল হৈ পৰিছে৷ আনহাতে আৰক্ষীয়ে ঘটনাৰ সন্দৰ্ভত তদন্ত প্ৰক্ৰিয়া আৰম্ভ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ