বিশ্বৰ আটাইতকৈ বৃহৎ গছ জোপা ক’ত আছে জানেনে? এই গছজোপা কিমান বৃহৎ আৰু কিমান ওখ? ভাৰতবাসীৰ বাবে গৌৰৱৰ বিষয় যে বিশ্বৰ সৰ্ববৃহৎ গছজোপা আছে পশ্চিমবংগৰ ৰাজধানী কলকাতাত৷
কলকতাৰ আচাৰ্য জগদীশ চন্দ্ৰ বসু উদ্ভিদ উদ্যানত এই প্ৰকাণ্ড বট গছজোপা আছে। এই গছজোপা উদ্যানখনত ১৭৮৭ চনত ৰোপণ কৰা হৈছিল৷ আজি আমি এই বট গছজোপাৰ বিষয়ে কিছু কথা ক’বলৈ আগবাঢ়িছো৷
এই বট গছজোপা ইমানেই প্ৰকাণ্ড যে ই দেখাত হাবিৰ দৰেই। ইয়াৰ উচ্চতা প্ৰায় ২৪ মিটাৰ, আনহাতে এই গছজোপা ১৪,৫০০ বৰ্গ মিটাৰজুৰি বিস্তৃত। ইয়াৰ ৩৬ শৰো অধিক শিখা আছে, যিবোৰ এতিয়া শিপালৈ পৰিণত হৈছে। এই কাৰণে এই প্ৰকাণ্ড বট গছজোপাক ‘Walking Tree’ বুলিও কোৱা হয়।
লগতে পঢ়ক বাংলাদেশতো বিখ্যাত হৈছে ড০ হিমন্ত বিশ্ব শৰ্মা! কিন্তু কেনেকৈ?
এই বিশাল বট গছজোপাত ৮০ টাতকৈও অধিক প্ৰজাতিৰ চৰাই বাস কৰে। এই গছজোপা দেখাত যিমান ডাঙৰ, ই সিমানে শক্তিশালীও। উল্লেখ্য যে ১৮৮৪ আৰু ১৯২৫ চনৰ ঘূৰ্ণীবতাহৰ ধুমুহাতো এই গছজোপাৰ কোনো ক্ষতি হোৱা নাছিল। অৱশ্যে গছজোপাৰ কিছুমান ডালত ছাই পৰিছে, যাৰফলত ইয়াৰ ডাল কিছু কাটিব লগা হ’ল।
এই প্ৰকাণ্ড বন গছজোপা যুগ যুগ ধৰি সমগ্ৰ বিশ্বতে বিখ্যাত। ইয়াৰ সন্মানত ভাৰত চৰকাৰে ১৯৮৭ চনত ডাকটিকট জাৰি কৰিছিল। এই গছজোপাক ভাৰতীয় উদ্ভিদ জৰীপৰ প্ৰতীক হিচাপেও গণ্য কৰা হয়।
লগতে পঢ়ক ভাল খবৰ আহি আছে চৰকাৰী কৰ্মচাৰীৰ বাবে! শীঘ্ৰেই কাৰ্যকৰী হ’ব ৮ম দৰমহা আয়োগ!
এই বট গছজোপা চোৱা-চিতা কৰিবলৈ এটা দল গঠন কৰা হৈছে। এই দলটোত ১৩ জন লোক আছে। এই ১৩ জনীয়া দলটোত উদ্ভিদবিদৰ পৰা আৰম্ভ কৰি মালিকলৈকে আছে৷ তেওঁলোকে সকলো সময়তে গছজোপাৰ যত্ন লয়। ইয়াৰ লগতে এই গছজোপাও সময়ে সময়ে পৰীক্ষা কৰা হয়।
১৯৮৯ চনত ইয়াক গিনিজ বুক অৱ ৱৰ্ল্ড ৰেকৰ্ডত অন্তৰ্ভুক্ত কৰা হয় আৰু আজিলৈকে এই ৰেকৰ্ড অক্ষুণ্ণ হৈ আছে৷
এই বট গছজোপাৰ ইমানবোৰ ডাল আৰু শিপা আছে যে ই সমগ্ৰ বাগিচাখনকে সামৰি লৈছে। এই গছজোপা দেখি এনে লাগে যেন সমগ্ৰ উদ্ভিদ উদ্যানখনত মাত্ৰ এজোপাই গছ আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
