অবিশ্বাস্য হ’লেও সত্য, এক বিশেষ মুৰ্গি মাংসৰ দাম প্ৰতি কেজিত ৪ লাখ টকা
কুকুৰাৰ মাংসত বহু ধৰণৰ পুষ্টিকৰ উপাদান পোৱা যায়। ইয়াত প্ৰটিন, মেগনেছিয়াম, আইৰণ আদি বহুতো পুষ্টিকৰ উপাদান থাকে। বহু ৰোগৰ ক্ষেত্ৰতো ৰোগীত দেহত শক্তি আহৰণৰ বাবে ঘৰুৱা কুকুৰাৰ চুপ খাবলৈ কোৱা হয়। ভাৰতত কুকুৰাৰ দামো বেছি নহয়।
পাছে জানেনে, ভাৰতত কুকুৰাৰ দাম বেছি নহ’লেও পৃথিৱীৰ বহু দেশত এনে কুকুৰা পোৱা যায়, যাৰ দাম হাজাৰ হাজাৰ, লাখ লাখ টকা। কোনো এবিক কুকুৰাৰ দাম প্ৰতি কেজিত ৪ লাখ টকা পৰ্যন্ত। তেনে কেইবিধমান কুকুৰা হৈছে-
আয়ম সেমানী
ইণ্ডোনেছিয়াত এই কুকুৰা পোৱা যায়। ইয়াৰ মূল্য ২৫০০ মাৰ্কিন ডলাৰৰ পৰা ৫০০০ মাৰ্কিন ডলাৰ। যি ভাৰতীয় হিচাপত ২লাখ ১২ হাজাৰৰ পৰা ৪ লাখ ২৪ হাজাৰ টকা। ইয়াৰ পাখি আৰু মাংস দুয়োবিধে ক’লা। বিশ্বৰ আটাইতকৈ বিৰল আৰু ব্যয়বহুল কুকুৰাৰ জাতৰ ভিতৰত আয়াম ছেমানীক অন্যতম বুলি গণ্য কৰা হয়। বৰ্তমানে বজাৰত এই কুকুৰাবিধৰ চাহিদা বৃদ্ধি পাইছে।
ব্লেক ছাফল্ক
অষ্ট্ৰেলিয়াত পোৱা এই কুকুৰাৰ মূল্য ৮০০ মাৰ্কিন ডলাৰৰ পৰা ১২০০ মাৰ্কিন ডলাৰলৈকে। ভাৰতীয় হিচাপত ৬৮ হাজাৰ টকাৰ পৰা ১ লাখ টকা পৰ্যন্ত। ব্লেক ছাফল্ক কুকুৰাক অষ্ট্ৰেলিয়াৰ অন্যতম বিৰল জাতৰ ভিতৰত গণ্য কৰা হয়। এই কুকুৰাটো চাবলৈ বৰ ধুনীয়া। ইয়াৰ মাংস আৰু কণী যথেষ্ট দামী আৰু পুষ্টিকৰ।
ব্ৰেছে চিকেন
ফ্ৰান্সত উপলব্ধ এই কুকুৰাৰ দাম ২০০ মাৰ্কিন ডলাৰৰ পৰা ৫০০ মাৰ্কিন ডলাৰলৈকে। এই কুকুৰাৰ মাংস ৰন্ধা পিছত অতি সোৱাদযুক্ত হৈ পৰে আৰু ইয়াৰ নীলা ভৰি দুখনে সকলোকে আকৰ্ষণ কৰে। এই কুকুৰা পালন কৰাটো অতি কঠিন কাম। যদি ইয়াক লালন-পালন কৰাত অলপ সমস্যাও হয়, তেন্তে লাভ পোৱা নাযায়। কাৰণ এই কুকুৰাৰ মৃত্যুৰ হাৰ অতি বেছি।
কুকুলজা চিকেন
ছাৰ্বিয়া প্ৰদেশত পোৱা এই কুকুৰাবিধো অতি ব্যয়বহুল। ইয়াৰ মূল্য ১০০০ – ১৫০০ মাৰ্কিন ডলাৰৰ ভিতৰত। এইটো এটা অতি বিৰল আৰু ব্যয়বহুল জাতৰ কুকুৰা। ইয়াৰ আকৰ্ষণীয় ৰং আৰু উচ্চমানৰ মাংসৰ বাবে কুকুৰা পালকসকলে ইয়াক অতি ভাল পায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
