বিশ্বৰ আটাইতকৈ অমানৱীয় তথা ভয়ংকৰ কাৰাগাৰখনৰ হৈছে গীতাৰামা (Gitarama)৷ এই ভয়ংকৰ কাৰাগাৰখন আছে আফ্ৰিকা মহাদেশৰ ৰুৱাণ্ডাত৷ যিখন কাৰাগাৰ নাম শুনিলেই তাত কটায় অহা অপৰাধীবোৰৰ বুকু কঁপি উঠে।
কাৰাগাৰখনত প্ৰয়োজনতকৈ বহু বেছি কয়দীক বন্দী কৰি ৰখোৱাৰ ফলত দৈনিক কমেও ৬ জন কয়দীৰ মৃত্যু হয় কাৰাগাৰখনত খোৱা-শোৱাৰ কোনো ব্যৱস্থা নাই। আনকি বহু বন্দীয়ে শৌচাগাৰত শুব লগা হয়। কাৰাগাৰখন ইমানেই অপৰিষ্কাৰ যে তাত থকা কয়দীৰ মলমূত্ৰৰ বাবে কয়দীৰ ভৰিত ঘা হৈ আঙুলি পৰ্যন্ত ছিঙি যায়৷
ইয়াত অনাহাৰৰ বাবে এনে পৰিস্থিতিৰ সৃষ্টি হৈছে যে যদি কোনো কয়দীৰ মৃত্যু হয় তেন্তে আন বন্দীয়ে তেওঁৰ মৃতদেহটোকো খাই পেলায়। তাতোকৈ ভয়ংকৰ কথাটো হ’ল যেতিয়া খাবলৈ একো নাথাকে তেতিয়া বন্দীসকলে জীয়া মানুহৰ শৰীৰৰ মাংস এৰুৱাই লৈ ভক্ষণ কৰে।
লগতে পঢ়ক সতীয়া কন্যাৰ সৈতে প্ৰেমৰ সম্পৰ্ক! আছে দুটাকৈ সন্তান এলন মাস্কৰ পিতৃৰ এৰ’ল মাস্কৰ
ডেইলী ষ্টাৰত প্ৰকাশিত এক বাতৰি অনুসৰি সেয়ে গীতাৰাম কাৰাগাৰক বিশ্বৰ আটাইতকৈ ভয়ংকৰ কাৰাগাৰ হিচাপে গণ্য কৰা হয়। আনকি কিছুমানে কয় যে গীতাৰাম কাৰাগাখন হৈছে নৰক।
এই কাৰাগাৰৰ ভৱনটো ১৯৬০ চনত ব্ৰিটিছ শ্ৰমিকৰ জিৰণিৰ বাবেহে নিৰ্মাণ কৰা হৈছিল আৰু পিছলৈ ইয়াক কাৰাগাৰলৈ ৰূপান্তৰিত কৰি ৪০০ বন্দী ৰখা হৈছিল। বৰ্তমান গীতাৰাম কাৰাগাৰত ৭ হাজাৰৰো অধিক কাৰাবন্দী ৰখা হৈছে। ১৯৯০ চনৰ মাজভাগত ৰুৱাণ্ডাত সংঘটিত ভয়ংকৰ গণহত্যাৰ সময়ত কাৰাবন্দীৰ সংখ্যা ৫০ হাজাৰ অতিক্ৰম কৰিছিল।
প্ৰকাশিত খবৰ মতে ৰুৱাণ্ডাৰ গীতাৰামা কাৰাগাৰৰ অৱস্থা ইমানেই বেয়া তথা ভয়ংকৰ যে একাংশ কয়দী শৌচাগাৰত শুব লগা হোৱাৰ বাবে অসুস্থ হৈ পৰে। অত্যধিক কৰাবন্দীক ৰখাৰ বাবে গীতাৰাম কাৰাগাৰ প্ৰশাসনে সকলো কয়দীক চিকিৎসাৰ সুবিধা প্ৰদান কৰিবলৈ সক্ষম হোৱা নাই।
লগতে পঢ়ক Sunburnৰ পৰা ঘৰুৱা উপায়েৰে কেনেকৈ ৰক্ষা পৰিব?
গীতাৰাম কাৰাগাৰৰ অতি বিপজ্জনক পৰিৱেশত থকা বন্দীসকলক প্ৰতিদিনে অতি কম পৰিমাণৰ খাদ্যহে দিয়া হয়। কাৰাগাৰত অধিক বন্দী থকাৰ বাবে প্ৰায়ে খাদ্য দিয়াৰ সময়ত কাৰাবন্দীৰ মাজত প্ৰায়ে কাজিয়াৰ সৃষ্টি হয়। তেনেধৰণৰ কাজিয়াত যেতিয়া কোনো কয়দীৰ মৃত্যু হয়, তেতিয়া আন কাৰাবন্দীয়ে মৃত কাৰাবন্দীজনৰ মাংস খাই ভোক নিবাৰণ কৰে বুলিও কোৱা হয়। কেৱল এয়াই নহয় প্ৰকাশিত খবৰ মতে যদি বন্দীসকলে খাবলৈ নাপায়, তেন্তে জীৱিত দুৰ্বল কাৰাবন্দীৰ শৰীৰৰ পৰা মাংস এৰুৱাই খায়।
ভোকৰ বাহিৰেও কাৰাগাৰখনৰ অন্যান্য ডাঙৰ সমস্যাবোৰৰ এটা হৈছে কয়দীসকলৰ বেমাৰ। কাৰাগাৰখন অপৰিষ্কাৰ হোৱাৰ বাবে বৃহৎ সংখ্যক বন্দী বিভিন্ন ৰোগৰ চিকাৰ হৈ পৰে। আন্তঃৰাষ্ট্ৰীয় ৰেড ক্ৰছৰ সমিতিৰ মতে গীতাৰাম কাৰাগাৰত প্ৰতিদিনে কমেও ৬ জন কয়দীৰ বেমাৰত ভুগি মৃত্যু মুখত পৰে। অসুস্থ কয়দীসকলে সময়মতে চিকিৎসা লাভ নকৰাৰ বাবেই কাৰাগাৰখনত এই ভয়াৱহ পৰিস্থিতিয়ে বিৰাজ কৰিছে।
লগতে পঢ়ক আত্মহত্যাৰ বৰ্দ্ধিত সংখ্যাক কেনেকৈ নিয়ন্ত্ৰণ কৰিব?
ইয়াৰ মাজতে অতি উদ্বেগজনক কথাটো হৈছে নিজৰ মাজতে সৃষ্টি হোৱা কাজিয়াৰ ফলত হোৱা মাৰপিটত হাড় ভঙা, কটা-ছিঙা আদিকে ধৰি শৰীৰত বিভিন্ন ধৰণে আঘাতপ্ৰাপ্ত কাৰাগাৰখনৰ প্ৰায় ৩৮ শতাংশ কয়দীক চিকিৎসালয়লৈ প্ৰেৰণ কৰা হয়৷ ইয়াৰ বাহিৰেও অতি জঘন্য পৰিৱেশৰ বাবে মাটিত সিঁচৰিত হৈ থকা মলমূত্ৰ তথা বিষ্ঠাৰ বাবেই ভৰিত হোৱা ঘাৰ ফলতে প্ৰায় ৪১ শতাংশ ৰোগীয়ে চিকিৎসালয়ত ভৰ্তি হ’বলগীয়া হয়৷
এনে ভয়ংকৰ পৰিৱেশৰ বাবেই ৰুৱাণ্ডাৰ গীতাৰামা কাৰাগাৰক বিশ্বৰ আটাইতকৈ ভয়ংকৰ কাৰাগাৰ বুলি গণ্য কৰা হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
