বছৰৰ অন্তিমটো চন্দ্ৰগ্ৰহণ কেতিয়া, ভাৰতৰ পৰা দৃশ্যমান হ’বনে ! কি ৰাশিৰ ওপৰত কেনে প্ৰভাৱ পৰিব
চন্দ্ৰগ্ৰহণৰ গুৰুত্ব কেৱল বিজ্ঞানতে নহয় জ্যোতিষতো যথেষ্ট আছে। হিন্দু পঞ্জিকা অনুসৰি ২০২৪ চনত দুটাকৈ চন্দ্ৰগ্ৰহণ হোৱাৰ দিশে। ২৫ মাৰ্চ অৰ্থাৎ হোলীৰ দিনটোত প্ৰথমটো চন্দ্ৰগ্ৰহণ হৈছিল। বছৰৰ দ্বিতীয় আৰু শেষ চন্দ্ৰগ্ৰহণ ছেপ্টেম্বৰ মাহত হ’বলৈ গৈ আছে। জ্যোতিষ শাস্ত্ৰৰ মতে বছৰৰ এই শেষৰটো চন্দ্ৰগ্ৰহণ অতি বিশেষ হ’ব পাৰে।
পাছে বছৰৰ শেষৰটো চন্দ্ৰগ্ৰহণ কেতিয়া হব জানেনে? কি ৰাশিৰ ওপৰত কেনে প্ৰভাৱ পৰিব!
চন্দ্ৰগ্ৰহণ সদায় পূৰ্ণিমাৰ দিনত হয়। এইবাৰ ভাদ মাহৰ পূৰ্ণিমাৰ তাৰিখ অৰ্থাৎ ১৮ ছেপ্টেম্বৰত বছৰৰ দ্বিতীয় চন্দ্ৰগ্ৰহণ হ’বলৈ গৈ আছে। এই চন্দ্ৰগ্ৰহণ ২০২৪ চনৰ ১৮ ছেপ্টেম্বৰৰ পুৱা ৬:১১ বজাৰ পৰা আৰম্ভ হৈছে, যিটো পুৱা ১০:১৭ বজাত শেষ হ’ব। এই চন্দ্ৰগ্ৰহণৰ মুঠ সময় হ’ব ৪ ঘন্টা ৬ মিনিট।
ভাদ মাহৰ পূৰ্ণিমাৰ তাৰিখৰ চন্দ্ৰগ্ৰহণ ৰাতিপুৱা অৰ্থাৎ দিনতে হ’বলৈ গৈ আছে। যাৰ বাবে ভাৰতত এই বছৰৰ শেষৰটো চন্দ্ৰগ্ৰহন দেখা নাযাব।
হিন্দু ধৰ্মৰ বিশ্বাস অনুযায়ী সূৰ্যগ্ৰহণৰ আগৰ, সূৰ্যগ্ৰহণৰ সময়ত আৰু তাৰ পিছৰ সময়ছোৱা অতিশয় অশুভ বুলি গণ্য কৰা হয়। ইয়াক সুতক যুগ বুলি কোৱা হয়। জ্যোতিষৰ মতে চন্দ্ৰগ্ৰহণৰ সুতক সময় সূৰ্যগ্ৰহণ আৰম্ভ হোৱাৰ প্ৰায় ৯ ঘণ্টা আগতেই আৰম্ভ হয়। চকুৰে দেখা নাপালে সেই গ্ৰহণৰ সূতককাল নাথাকে।
ৰাশিৰ ওপৰত কি প্ৰভাৱ পেলাৱ এই চন্দ্ৰ গ্ৰহণে- চন্দ্ৰগ্ৰহণৰ সময়ত চন্দ্ৰ মেষ ৰাশিত থাকিব, যিটো সূৰ্য্যৰ উচ্চ ৰাশি আৰু মংগল গ্ৰহৰ মালিকানাধীন। সুতক কাল নহয় যদিও এই চন্দ্ৰগ্ৰহণে কম বেছি পৰিমাণে সকলো ৰাশিৰ ওপৰত প্ৰভাৱ পেলাব।
কিছুমান লোকে কিছুমান সমস্যাৰ সন্মুখীন হ’বলগীয়া হ’ব পাৰে, আনহাতে কিছুমান মানুহৰ বাবে সেয়া শুভ বুলি প্ৰমাণিত হ’ব পাৰে। এই চন্দ্ৰগ্ৰহণ মেষ, মিথুন ৰাশি, কৰ্কট, কন্যা, বৃশ্চিক, কুম্ভ আৰু মীন ৰাশিৰ লোকৰ বাবে ঋণাত্মক বুলি প্ৰমাণিত হ’ব পাৰে যদিও বৃষ, সিংহ, ধনু আৰু মকৰ ৰাশিৰ লোকৰ বাবে ই ধনাত্মক প্ৰমাণিত হোৱাৰ সম্ভাৱনা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
