আকৌ সংবাদ শিৰোনামত অনলাইন ফুড ডেলিভাৰি সংস্থা জমেট’৷ এইবাৰ কোটিপতি ক্লাবৰ সদস্য হ’ল জমেট’ কোম্পানীৰ প্ৰতিষ্ঠাতা তথা চিইঅ’ দীপেন্দৰ গোৱেল৷ সোমবাৰে অৰ্থাৎ ১৫ জুলাইত ফুড ডেলিভাৰি সংস্থাটোৰ ষ্টকৰ দাম বাঢ়ি হয়গৈ এক বিলিয়ন মাৰ্কিন ডলাৰ৷ যাৰ ফলত এতিয়া বিলিয়নাৰীৰ ক্লাবত সোমাই পৰিল দীপিন্দৰ৷
চলিত মাহৰ দুৰ্দশাৰ পৰা এইবাৰ শ্বেয়াৰ বজাৰত আকৌ দীঘলীয়া জাপ দীপিন্দৰৰ৷ বিশেষজ্ঞৰ দাবী যে ইয়াৰ প্ৰভাৱ এতিয়া জমেট’ ষ্টকতো পৰিছে৷ বিগত কেইবাদিন ধৰি জাপ দিছে গ্ৰাফ৷ এদিনতে ৩শতাংশতকৈ বেছি বাঢ়িছে অনলাইন ফুড ডেলিভাৰি এপৰ শ্বেয়াৰ৷
আনহাতে জমেট’ ষ্টকৰ মূল্যবৃদ্ধি সংক্ৰান্তিয় প্ৰতিবেদনত চাঞ্চল্যকৰ দাবী কৰিছে যে মাৰ্কিন সংবাদ সংস্থা ফোৰ্বছে৷ তাত কোৱামতে শ্বেয়াৰৰ দাম বাঢ়ি যোৱাৰ বাবেই বৃদ্ধি পাইছে কোম্পানীৰ চিইঅ’ৰ নেট সম্পত্তিও৷ বৰ্তমান সেয়া হৈছেগৈ ১.৪ বিলিয়ন মাৰ্কিন ডলাৰ হৈছেগৈ তেওঁৰ সম্পত্তিৰ পৰিমাণ বুলি সেই প্ৰতিবেদনত দাবী কৰা হৈছে৷
উল্লেখ্য যে এই প্লেটফৰ্মত ফিজো এটকা বৃদ্ধি কৰিছে জমেট’ই৷ কেৱল মাত্ৰ দিল্লী আৰু বাংগালুৰুৰ গ্ৰাহকৰ বাবেহে এয়া প্ৰযোজ্য হ’ব বুলিও জনাইছে অনলাইন ফুড ডেলিভাৰি সংস্থাটোৱে৷ ইয়াৰ পূৰ্বে প্লেটফৰ্ম ফিৰ বাবদ দিবলগীয়া হৈছে ৫টকা৷ এইবাৰ সেই ফি ২০ শতাংশলৈ বঢ়াইছে সংশ্লিষ্ট কোম্পানীটোৱে৷ জমেট’ৰ তৰফৰ পৰা জনোৱা অনুসৰি এই সিদ্ধান্তই সংস্থাৰ লাভৰ ওপৰত ইতিবাচক প্ৰভাৱ পেলাব৷ অৱশ্যে চলিত অৰ্থবৰ্ষত মুনাফাৰ পৰিমাণ কিমান বাঢ়িব পাৰে সেই সম্পৰ্কে কোনো ইংগিত এতিয়াও দিয়া হোৱা নাই৷ বিলিয়নাৰী ক্লাবৰ সদস্য হোৱাৰ পাছতেই দীপিন্দৰৰ পৰাও এতিয়ালৈকে কোনো প্ৰতিক্ৰিয়া অহা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
