অসম লাইভ ২৪ঃ আমেৰিকাৰ ৰাষ্ট্ৰপতি ড’নাল্ড ট্ৰাম্পৰ সুৰক্ষাত বৃহৎ সুৰুঙা। আজি AK-47 ৰাইফলধাৰী ৩ জন যুৱকে হঠাৎ প্ৰৱেশ কৰে ড’নাল্ড ট্ৰাম্পৰ ফৰিদাত থকা ৰিজ’ৰ্টত। অৱশ্যে আৰক্ষীয়ে কৰায়ত্ত কৰিছে যুৱকৰ দলটোক। সেই মুহূৰ্তত ৰিজ’ৰ্টত নাছিল ৰাষ্ট্ৰপতিগৰাকী। ঘটনাৰ বিৱৰণী অনুসৰি ড’নাল্ড ট্ৰাম্পৰ ৰিজ’ৰ্ট মাৰ এ লেগ’ৰ পৰা প্ৰায় ৩ কিমি. আঁতৰত এখন সন্দেহজনক গাড়ী দেখা পাই আৰক্ষীয়ে গাড়ীখন অনুসৰণ কৰে। আৰক্ষী খেদাত গাড়ীখন আহি ট্ৰাম্পৰ ৰিজ’ৰ্টখনৰ সন্মুখ পায়হি। সেইখিনিতে গাড়ীখনৰ পৰা ৩ জন যুৱক নামি ৰিজ’ৰ্টত প্ৰৱেশ কৰে। ৰিজ’ৰ্টখনৰ প্ৰৱেশ দ্বাৰ পাৰ হৈ অস্ত্ৰধাৰী যুৱককেইজন বাগিচাত উপস্থিত হয়গৈ। আৰক্ষীয়ে লগে লগে হেলিকপ্টাৰ আৰু স্নিফাৰ ডগৰ সহায়ত যুৱককেইজনক বিচাৰি উলিয়াই গ্ৰেপ্তাৰ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
