উচ্চতম ন্যায়ালয়ৰ দ্বাৰস্ত হ’ল ৰাহুলৰ অধিবক্তা! উচ্চতম ন্যায়ালয়ে ৰক্ষা কৰিব পাৰিবনে ৰাহুলৰ পদ?

অসম লাইভ২৪ঃ মোদী উপাধিৰ সকলো ব্যক্তিয়েই চোৰ কিয়? এই মন্তব্য কৰিয়েই সাংসদ পদ হেৰুৱালে ৰাহুল গান্ধীয়ে৷ ২৩ মাৰ্চত গুজৰাটৰ চুৰাট মেজিষ্ট্ৰেট আদালতে ৰাহুলক ‘অপৰাধমূলক মানহানিৰ’ গোচৰত দোষী সাব্যস্ত কৰি দিয়া ৰায়ে বাহাল ৰাখিল গুজৰাট হাইকৰ্টে৷

‘অপৰাধমূলক অৱমাননা’ গোচৰত দোষী সাব্যস্ত ৰাহুলৰ দুবছৰ কাৰাবাসৰ শাস্তি চুৰাট মেজিষ্ট্ৰেট আদালতে দিছিল৷ সেই ৰায়ৰ ওপৰত স্থগিতাদেশ বিচাৰি ৰাহুলে কৰা আৱেদন বিগত ৭ জুলাইত খাৰিজ কৰে গুজৰাট হাই কৰ্টে৷

সেই বিশেষ ৰায়ৰ ওপৰত স্থগিতাদেশ বিচাৰি শনিবাৰে ৰাহুলৰ অধিবক্তা কাষ চাপিছে উচ্চতম ন্যায়ালয়ৰ৷ চুৰাট মেজিষ্ট্ৰেট আদালতৰ ৰায়ৰ ভিত্তিতেই ২৪মাৰ্চত লোকসভাৰ স্পিকাৰ ওম বিড়ালাই ভাৰতীয় সংবিধানৰ ১০২(১) অনুচ্ছেদ আৰু জনপ্ৰতিনিধিত্ব আইন ১৯৫১ৰ ৮(৩) নম্বৰ অনুচ্ছেদ অনুযায়ী ৰাহুলৰ সাংসদ পদ খাৰিজ কৰিছিল৷ ২০ এপ্ৰিলত বিচাৰক আৰপি মোগেৰাই এই আৱেদন খাৰিজ কৰি শাস্তিৰ ৰায়ে বাহাল ৰাখে৷ ফলত সাংসদ পদ উভতাই নাপায় ৰাহুলে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ