অসম লাইভ ২৪ঃ চাৰা আলী খান আৰু শ্ৰদ্ধা কাপুৰৰ পাছত এইবাৰ দীপিকা পাডুকন। সুশান্ত সিং ৰাজপুত মৃত্যু তদন্তত নামি বলীউডত ড্ৰাগছৰ সৰবৰাহ সন্দর্ভত NCBৰ তদন্ত তীব্ৰ গতিত চলিছে। ড্ৰাগছ সেৱন আৰু সৰবৰাহৰ মূল অভিযুক্ত ৰিয়া চক্ৰৱর্তীক ইতিমধ্যে গ্ৰেপ্তাৰ কৰিছে NCBয়ে। ড্ৰাগছৰ চক্ৰত এইবাৰ নাম সাঙোৰ খাইছে জনপ্ৰিয় অভিনেত্ৰী দীপিকা পাডুকনৰ। ইতিমধ্যে সোধা-পোচাৰ বাবে দীপিকাৰ মেনেজাৰ কৰিশ্মা প্ৰকাশক তলব কৰিছে নার্কোটিক ক’ণ্ট্ৰল ব্যুৰ’ই। ৰিয়া চক্ৰৱর্তীৰ মেনেজাৰ জয়া সাহাৰ সৈতে ৰিয়াৰ হোৱাটছএপ চাটৰ পাছতে এই কথা পোহৰলৈ আহিছে। জয়া সাহাৰ সৈতে D আৰু Kৰ বহুতো চাট পোহৰলৈ অহাৰ পাছতে NCBয়ে নিশ্চিত কৰিছে যে সেই D হ’ল দীপিকা পাডুকন। ড্ৰাগছক লৈ ৰিয়া আৰু জয়াৰ মাজত বহুতো চাট আদান-প্ৰদান হৈছে য’ত কাৰোবাৰ পানীত কিবা মিহলোৱাৰ কথা উল্লেখ আছিল। ২০১৯ৰ শেষৰ ফালে এই চাটৰ আদান-প্ৰদান হৈছিল। তাত লিখা আছিল চাৰে চাৰি ফোট মিহলাই খাবলৈ দিয়া। ৩০ৰ পৰা ৪০ মিনিটৰ পাছত বহুতো নিচা হ’ব। উল্লেখযোগ্য যে ২০১৯ চনৰ এটা ভিডিঅ’ NCBৰ হাতলৈ আহিছে। যিটো ভিডিঅ’ত বলীউডৰ অনেক তাৰকাক দেখা গৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
