অসম লাইভ২৪ঃ শুকুৰবাৰে নিশাৰে পৰা ৰাজ্যত যোৰহাট কাণ্ডৰ চৰ্চা। ৭২ বছৰীয়া এজন বৃদ্ধক দুষ্কৰ্মৰ সংগী কৰি আত্মহননৰ পথ বাছি ল’বলৈ বাধ্য কৰালে এগৰাকী যুৱতীয়ে। যৌনতাক বেপাৰ হিচাপে লোৱাৰ বাবেই সংঘটিত হ’ল আত্মহত্যাৰ ঘটনা। যৌনতাৰ ভিডিঅ’ আপলোড কৰা ৱেবচাইটত ধনৰ বাবে নিয়মীয়াকৈ ভিডিঅ’ আপলোড কৰা যুৱতীক লৈ এতিয়া সকলোৰেই মনত প্ৰশ্ন। আচৰিতধৰণে যুৱতীগৰাকীয়ে নিজেই পতা জালখনৰ পৰা নিজকে উঠাই আনিবৰ বাবে আৰক্ষীৰো কাষ চাপিছিল।
যুৱতীগৰাকীয়ে ৭ দিন পূৰ্বে এখন এজাহাৰ দিছিল যোৰহাট আৰক্ষী থানাত। আৰক্ষীক দিয়া এজাহাৰত তেওঁ অভিযোগ আনিছিল যে, তেওঁৰ কিছু অশ্লীল ভিডিঅ’ এজন যুৱকে পৰ্ণ ৱেবচাইটত আপলোড কৰি ভাইৰেল কৰিছে। সেই অভিযোগৰ ভিত্তিতেই আৰক্ষীয়ে অভিলেখ নামৰ এজন যুৱকক আটকো কৰিছিল। অভিলেখক কৰায়ত্ব কৰাৰ পাছতেই আৰক্ষীয়ে লাভ কৰিছিল যুৱতীৰ বিৰুদ্ধে তথ্য। এই এজাহাৰ ভুৱা। নিজক ৰক্ষা কৰাৰহে কৌশল ৰচিয়েই এই এজাহাৰ দাখিল কৰিছিল যুৱতীয়ে। তিনিদিন পূৰ্বে কিশলয় শৰ্মা নামৰ আন এজন লোকক এই ঘটনাৰে জড়িত থকাৰ অপৰাধত যোৰহাট আৰক্ষীয়ে গ্ৰেপ্তাৰ কৰিছিল।
এই চক্ৰটোৱে বিদেশী এক ৱেবচাইটত যৌনগন্ধী ভিডিঅ’ শ্বেয়াৰ কৰি ধন ঘটাৰ সমান্তৰালকৈ নিজাকৈও তেনে এটা ৱেবচাইট খোলাৰ পৰিকল্পনাৰে কাম কৰি আছিল। আৰক্ষী সূত্ৰৰ মতে ৭টাকৈ এই ধৰণৰ ভিডিঅ’ তেওঁলোকে গ্ৰেপ্তাৰ হোৱাৰ আগলৈকে আপলোড কৰিছে। তদন্ত সঠিক ৰূপত আগবাঢ়িলে বহু তথ্যই পোহৰলৈ আহিব বুলি সন্দেহ কৰিছে আৰক্ষীয়ে। আৰক্ষীয়ে সন্দেহ কৰামতে যৌনতাৰ বিশাল এক চক্ৰ গোপনে গঢ় লৈ উঠিছে। ইতিমধ্যে শনিবাৰে যুৱতীগৰাকীক গ্ৰেপ্তাৰ কৰিছে আৰক্ষীয়ে। যুৱতীক জেৰা কৰাৰ পাছতহে প্ৰকৃত তথ্য পোহৰলৈ আহিব বুলিও প্ৰকাশ কৰিছে আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
