অসম লাইভ২৪ঃ
বহু প্ৰতিক্ষীত ৰবি শৰ্মাৰ ছবি ‘ৰঘুপতি’ৰ মুক্তিক লৈ চৰ্চা লৈ থকাৰ মাজতে এটা ডাঙৰ খৱৰ। আজি ছবিগৃহত মুক্তি লাভ নকৰে ৰবি শৰ্মাৰ ছবি ৰঘুপতিয়ে। আজি হোৱা এক শুনানিত প্ৰদান কৰা ৰায়দানত ৰবিশৰ্মাৰ ছবিৰ মুক্তিত বাধা প্ৰদান কৰে আদালতে। যাৰ ফলস্বৰূপে আজি মুক্তি লাভ নকৰে ৰঘুপতিয়ে। নিম্ন আদালতে ১৫ জুনলৈ ছবিখনত স্থগিতাদেশ জাৰি কৰিছে। পিছে ছবিখনক লৈ যথেষ্ঠ আশাবাদী প্ৰযোজক। ছবিখনৰ মুক্তিৰ বাবে উচ্চ আদালতত কৰা হৈছে আবেদন
মুক্তিত কিয় বাধা আহিল বহুপ্ৰতিক্ষীত ‘ৰঘুপতি’ৰ
ৰবি শৰ্মা অভিনীত নতুন অসমীয়া চলচ্চিত্ৰ ‘শ্ৰী ৰঘুপতি’। মুক্তিৰ পূৰ্বে বৰ্তমানৰ চলচ্চিত্ৰখনৰ প্ৰযোজক শৈলেন কুমাৰ শৰ্মাৰ সৈতে হোৱা চুক্তি উলংঘাৰ এক অভিযোগ উত্থাপিত হৈছে। এই সন্দৰ্ভত শৈলেন কুমাৰ শৰ্মাৰ পুত্ৰ ধৃতিমান শৰ্মাই কামৰূপ মহানগৰ সত্ৰ ন্যায়াধীশ আদালতত তৰিছিল গোচৰ। আৰু শুক্ৰবাৰে হোৱা গোচৰৰ শুনানিৰ অন্তত মুক্তি পাবলগীয়া চলচ্চিত্ৰখনৰ মুক্তিত নিষেধাজ্ঞা আৰোপ কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
