অসম লাইভ২৪ঃ এসময়ত তেওঁ চাইকেলো চলাব নোৱাৰিছিল৷ সেই অৰ্চনা এতিয়া এগৰাকী বাছ চালক৷ মহাৰাষ্ট্ৰ ৰাজ্যিক পৰিবহন দফতৰত প্ৰথমগৰাকী মহিলা বাছচালক তেওঁ৷ পুণে চৰকাৰী পৰিবহণ বিভাগত তেওঁ কৰ্মৰত৷ অৰ্চনাই দৈনিক প্ৰায় ৩৫ কিঃমিঃ ৰাস্তা বাছ চালক হিচাপে থাকে৷
মহাৰাষ্ট্ৰৰ প্ৰথমগৰাকী মহিলা বাছচালক হিচাপে অৰ্চনাক অভিনন্দন জনাইছে উপমুখ্যমন্ত্ৰী দেৱেন্দ্ৰ ফডণবীছেও৷ তেওঁ টুইটাৰত লিখিছে, ‘আৰু এখন কাঁচৰ দেৱাল ভাঙিল৷ মহাৰাষ্ট্ৰ চৰকাৰৰ পৰিবহন দপ্তৰত প্ৰথম মহিলা বাছচালক হিচাপে অৰ্চনাই ইতিহাস তৈয়াৰ কৰিছে৷ অৰ্চনাক দেখিয়েই বহু মহিলা যুৱতী এই কামৰ বাবে ওলাই আহিব৷’
বাছ চলাবৰ বাবে প্ৰায় ১০০ গৰাকী মহিলাক প্ৰাথমিকভাৱে বাছনি কৰা হৈছিল৷ ২০১৯ চনতেই এই বাছনি হৈছিল৷ কিন্তু কৰ’না মহামাৰীৰ বাবে তেওঁলোকৰ প্ৰশিক্ষণ দেৰীকৈ আৰম্ভ হয়৷ ১০০ মহিলাৰ ভিতৰত ১৮গৰাকী মহিলাক বাছ চলাবলৈ প্ৰশিক্ষণ দিয়ে৷ প্ৰশিক্ষণ শেষ কৰি ৬ মহিলাই এই কামত যোগ দিয়ে৷ কিন্তু এই ৬মহিলাৰ ভিতৰত অৰ্চনাইহে এই বৃত্তিত এতিয়ালৈ যোগদান কৰিছে৷ অৰ্চনাই এই কামত যোগ দিয়াৰ পাছত উচ্ছ্বাসিত হৈছে সহকৰ্মীসকলো৷
বহুতৰে মনত ধাৰণা আছিল যে ইমান ডাঙৰ এখন বাহন মহিলাই চলোৱা সহজ কথা নহয়৷ কিন্তু অৰ্চনাই সহজেই এই চেলেণ্ড গ্ৰহণ কৰিছে৷ অৰ্চনাৰ এগৰাকী সহকৰ্মীয়ে অৰ্চনা সন্দৰ্ভত কয়, ‘অৰ্চনাক সহকৰ্মী হিচাপে পোৱাটো আমাৰ সৌভাগ্য৷’ অৰ্চনাক সৈ মহাৰাষ্ট্ৰৰ মহিলা কমিছনাৰ ৰূপালী চাকানকাৰে সামাজিক মাধ্যমত অৰ্চনাৰ এটা বিশেষ ভিডিঅ’ শ্বেয়াৰ কৰিছে৷ অভিনন্দন জনাই মহিলা কমিছনাৰ ৰূপালীয়ে লিখিছে, ‘যাত্ৰীসকলক নিৰাপদভাৱে লৈ যোৱাৰ দায়িত্ব আপোনাৰ হাতত৷’
অৰ্চনাৰ বয়স ৩০ বছৰ৷ নান্দেড় জিলাৰ বাসিন্দা৷ পৰিয়াল বুলিবলৈ তেওঁৰ পিতৃ আৰু দুজন ভায়েক আৰু ভায়েকৰ পত্নী৷ অৰ্চনাই বাছচালক হিচাপে নিযুক্তি পায় প্ৰথমটো প্ৰতিক্ৰিয়াত কয়, ‘মাৰ মৃত্যুৰ পাছত মোক কোনেও ভাললগা কামবোৰত বাধা দিয়া নাছিল৷ মই বাছচালক হ’ব খোজোতেও ঘৰৰ কোনোৱে বাধা দিয়া নাছিল৷ প্ৰশিক্ষকৰ কাষত প্ৰশিক্ষণ লৈহে মই বাছ চলাবলৈ আৰম্ভ কৰিছো৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
