অসম লাইভ ২৪ঃ বলীউডৰ জনপ্ৰিয় অভিনেতা আমিৰ খান। সময়ৰ পৰিক্ৰমাত নিজকে প্ৰতিষ্ঠা কৰিছে বলীউডৰ ৩ খানৰ অন্যতম এক খান হিচাপে। উপহাৰ দিছে অসংখ্য জনপ্ৰিয় চলচ্চিত্ৰ। প্ৰতিৰখন ছবিত আমিৰক দেখা যায় এটা নতুন চৰিত্ৰত। প্ৰতিখন ছবিত নিজৰ চৰিত্ৰক নিখুঁটভাৱে ফুটাই তুলিবলৈ সর্বোচ্চ চেষ্টা কৰে তেওঁ। সেই বাবে তেওঁক কোৱা হয় বলীউডৰ মিষ্টাৰ পার্ফেকচনিষ্ট। ৩ দশক ধৰি দর্শকৰ মন জয় কৰা এই অভিনেতা বলীউডৰ সর্বোচ্চ পাৰিশ্ৰমিক লাভ কৰা নায়কৰ ৰেকর্ডো গঢ়ি থৈছে। কিন্তু অভিনয়ৰ আৰম্ভণি সুখকৰ নাছিল আমিৰৰ। ধৈর্য আৰু পৰিশ্ৰমৰ বিনিময়ত বিনয়ী আমিৰে আজিৰ এই স্থান পাইছে। যদিও তেওঁৰ পিতৃ মহম্মদ তাহিৰ হুছেইন খান আছিল বলীউডৰ এজন সুপৰিচিত প্ৰযোজক আৰু পৰিচালক। কিন্তু পিতৃৰ সেই পৰিচয় এবাৰো নিজৰ কেৰিয়াৰত ব্যৱহাৰ কৰা নাই আমিৰ খানে। শেহতীয়াকৈ এক সাক্ষাৎকাৰত আমিৰ খানে জনাইছে তেওঁৰ প্ৰথম চিনেমা আৰু আয়ৰ কথা। আমিৰ খানে কৈছে মই ‘ক্যামত চে ক্যায়মত টক’ ছবিখন কৰাৰ বাবে মাত্ৰ ১১ হাজাৰ টকা পাইছিলো। আৰু সেই ১১ হাজাৰ টকাও একেবাৰে মোক দিয়া নাছিল। ১১ মাহৰ কিস্তিত ১ হাজাৰ টকাকৈ সেই পাৰিশ্ৰমিক মই লাভ কৰিছিলো। ১৯৮৮ চনত মুক্তি পোৱা ‘ক্যামত চে ক্যামত তক’ ছবিৰে বলীউড যাত্ৰা কৰিছিল আমিৰ খানে। মনচুৰ খান পৰিচালিত সেই ছবিত আমিৰৰ নায়িকা আছিল জুহি চাওলা। ৰোমাণ্টিক আৰু গানৰ বাবে এতিয়াও বিখ্যাত ছবিখন। বলীউডৰ এই জনপ্ৰিয় অভিনেতা বর্তমান আছে তুৰস্কত। য’ত তেওঁৰ পৰৱর্তী ছবি ‘লাল সিং চাদ্দা’ৰ শ্বুটিং কৰি আছে। ৪০ দিনৰ শ্বুটিং শেষ কৰি ভাৰতলৈ ঘূৰি আহিব আমিৰ খান। এই ছবিখন মুক্তি পাব আগন্তুক বর্ষৰ বৰদিনৰ দিনা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
