অসম লাইভ২৪ঃ পৰকীয়া প্ৰেমৰ বাবেই সংসাৰ ভঙাৰ পথত ছানিয়া-ছোৱেইবৰ। সতিনীৰে সৈতে একেলগে সহবাস নকৰাৰ সিদ্ধান্ত লৈয়েই পৃথকে থাকিবলৈ আৰম্ভ কৰিছে ছানিয়া মিৰ্জাই। পাক মিডিয়াত প্ৰকাশ পোৱা অনুযায়ী ছোৱেইব-ছানিয়াৰ এই বিচ্ছেদৰ আঁৰত আছে ছোৱেইবৰ পৰকীয়া প্ৰেম। ছোৱেইবে পাকিস্তানৰ এগৰাকী অভিনেত্ৰীৰ সৈতে গঢ়ি তুলিছে অবৈধ প্ৰেমৰ সম্পৰ্ক।
জনপ্ৰিয় অভিনেত্ৰী আয়েশা ওমৰেৰে সম্পৰ্ক গঢ়ি তুলিছে ছোৱেইবে। বিগত বৰ্ষত ছোৱেইবৰ সৈতে আয়েশাই এটা বল্ড ফটোশ্বুট কৰাৰ পাছৰে পৰাই আগবাঢ়িছে এই সম্পৰ্ক। ছানিয়াই অকলে থকাৰ সিদ্ধান্ত লোৱাৰ পাছৰে পৰাই আয়েশাৰ সৈতে থকা বহু ফটো এতিয়া সামাজিক মাধ্যমত শ্বেয়াৰ হ’ব ধৰিছে।
একাংশ নেটিজেনে দাবী কৰা অনুযায়ী আয়েশাৰ বাবেই সংসাৰ ত্যাগ কৰিবলৈ মন বান্ধিছে ছোৱেইবে। অৱশ্যে এই বিষয়টোক লৈ এতিয়াও মুখ খোলা নাই ক্ৰিকেটাৰ ছোৱেইব মালিকে। আয়েশাইয়ো এই বিষয়টো লৈ সম্পূৰ্ণ নিৰব ভুমিকা পালন কৰিছে। চলিত বৰ্ষৰ ছেপ্টেম্বৰ মাহত সংবাদমাধ্যমৰ আগত দাঙি ধৰা মন্তব্যত ছোৱেইৱে আয়েশাৰ প্ৰসংগ উত্থাপন কৰিছিল। ছোৱেইবক সাংবাদিকে সোধা প্ৰশ্নৰ উত্তৰত ছোৱেইবে সাংবাদিকক উভতাই সুধিছিল, ‘আপোনাৰ স্বামীয়ে কাৰোবাৰ সৈতে বল্ড ফটোশ্বুট কৰিলে আপুনি কি কৰিব?’ প্ৰত্যুত্তৰত সাংবাদিকে তেতিয়া কৈছিল, ‘মই অবিবাহিত।’ তাৰপিছতেই ক্ৰিকেটাৰ ছোৱেইৱে কয়, ‘মোৰ পত্নীৰ মই কাৰোবাৰ সৈতে ফটোশ্বুট কৰাত একো আপত্তি নাই। মই যাৰ সৈতেই ফটোশ্বুট নকৰো কিয় তেওঁৰ আপত্তি নাই। মই সদায়ে নতুন কিবা কাম কৰি ভালপাওষ সেয়ে এইবাৰ এই নতুন অভিজ্ঞতা ললো।’
উল্লেখ্য যে আয়েশা-ছোৱেইবৰ মাজত প্ৰেমৰ সম্পৰ্ক সঁচাকৈয়ে আছেনে সেই কথা হঠাতেই কোৱা টান। কাৰণ দুয়োৱে এই বিষয়টোক লৈ কোনো ধৰণৰ মন্তব্য দিয়া নাই। ইফালে ছানিয়াইয়ো সংসাৰৰ কোনো কথাই প্ৰকাশ কৰা নাই। কেৱল সামাজিক মাধ্যমত এটা দুখভৰা পষ্টহে শ্বেয়াৰ কৰিছে ছানিয়াই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
