অসম লাইভ ২৪ঃ মংগলবাৰে ভাৰতীয় দলৰ তাৰকা লেগ স্পীনাৰগৰাকীয়ে জনপ্ৰিয় ইউ টিউবাৰ ধনশ্ৰী বৰ্মণৰ সৈতে বিৱাহপাশত আৱদ্ধ হয়। চলিত বৰ্ষৰ আগষ্ট মাহত চাহাল আৰু ধনশ্ৰীয়ে তেওঁলোকৰ সম্পৰ্ক প্ৰথমবাৰৰ বাবে সামাজিক মাধ্যমত ৰাজহুৱা কৰিছিল। ধনশ্ৰী পেছাত এগৰাকী চিকিৎসক আৰু নৃত্যশিল্পী। ধনশ্ৰী ইউ টিউবাৰ হিচাপেও দৰ্শকৰ মাজত জনপ্ৰিয়। ছ’চিয়েল মিডিয়াত মাজে সময়ে নাচৰ ভিডিঅ’ও আপলোড দিয়ে। ছ’চিয়েল মিডিয়াৰ পৰাই সম্পৰ্ক হৈছিল নৱ দম্পত্তী। ছ’চিয়েল মিডিয়াত ধনশ্ৰীৰ নৃত্য দেখি ভাল লাগিছিল চাহালৰ। ধনশ্ৰীৰ ওচৰত নৃত্য শিকিবও বিচাৰিছিল। শেষত প্ৰেম আৰু তাৰ পিছত বিৱাহ। ভাৰতীয় টি-২০ আৰু এদিনীয়া দলৰ নিয়মীয়া সদস্য যুজবেন্দ্ৰ চাহালে বৰ্তমানলৈ ভাৰতীয় দলক প্ৰতিনিধিত্ব কৰিছে। ৫২খন এদিনীয়া আন্তঃৰাষ্ট্ৰীয় খেল আৰু ৪২ খন টি-২০ খেলত অংশগ্ৰহণ কৰিছে। চাহালে এদিনত ৯১টা উইকেট দখল কৰাৰ বিপৰীতে টি-২০ত দখল কৰিছে ৫৯টা উইকেট। ভাৰতীয় ক্ৰিকেট দলৰ সদস্যসকলে চাহালক জনায় বিৱাহৰ শুভেচ্ছা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
