অসম লাইভ২৪ঃ ৰাজ্যৰ বিভিন্ন প্ৰান্তৰ সমান্তৰালকৈ বৰপেটা সত্ৰতো পালন কৰা হৈছে দোমাহী। সত্ৰনগৰী বৰপেটাত সত্ৰীয় ৰীতি-নীতি পৰম্পৰাৰে পালন কৰা হয় দোমাহী। দোমাহী উপলক্ষে শণিবাৰে বৰ্ষফলো গণনা কৰা হয়।
বৰপেটা সত্ৰৰ দৈৱজ্ঞ ত্ৰিদীপ দেৱশৰ্মা দলৈয়ে সত্ৰীয়া প্ৰমুখ্যে ভকতৰ সন্মুখত বছৰটোৰ শুভাশুভ বিচাৰ কৰে৷ তাৰ পিছতে দৈৱজ্ঞই সত্ৰলৈ অহা ভক্ত বৈষ্ণৱৰ সন্মুখত মঠৰ চোতালত বৰ্ষফল গণনা পাঠ কৰে৷ ইয়াৰ পিচতে দৈৱজ্ঞই আই সকলৰ কাঠিত বৰ্ষফল গণনা পাঠ কৰে৷ আজি বৰপেটা সত্ৰত দৈৱজ্ঞই ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাৰ বৰ্ষফল গণনা কৰে৷ ২০২১ চনৰ ১০ মে’ত ১২ বাজি ৫ মিনিটত ড০ হিমন্ত বিশ্ব শৰ্মাই মুখ্যমন্ত্ৰী হিচাপে শপত গ্ৰহণ কৰাৰ ক্ষণ অনুসৰি কৰা গণনাত বৰ্তমান শুক্ৰৰ দশা চলি আছে। ২০২৬ চনৰ ৭ নৱেম্বৰলৈ অতি শুভ দশা চলি থাকিব৷ ২০২৬ লৈকে মুখ্যমন্ত্ৰী ড০ হিমন্ত বিশ্ব শৰ্মাৰ শুভ দশা। বিগত বছৰতকৈ এই বছৰটো হিমন্ত বিশ্ব শৰ্মাৰ বাবে সৰ্বশ্ৰেষ্ঠ হ’ব বুলিও বৰ্ষফল গণনাত প্ৰকাশ পাইছে। লগতে কোৱা হয়, এই বৰ্ষটো ৰাজ্য চৰকাৰৰ সফলতাৰ বৰ্ষ৷ শিক্ষা–সাহিত্য–সংস্কৃতিৰ ক্ষেত্ৰত অসমৰ উন্নতিৰ যোগ৷ বিৰোধীৰ পতন হ’ব৷
আনহাতে, ব্যৱসায়-বাণিজ্য, কৃষি ,আমদানি আৰু ৰপ্তানিৰ দিশত ৰাজ্য চৰকাৰ সফল হোৱাৰ যোগ৷ শিক্ষা, সাহিত্য, সংস্কৃতিৰ দিশত উন্নতিৰ কাৰক৷ অৱশ্যে অসম দেশৰ কৰ্কট ৰাশি অনুসৰি গুৰু চাণ্ডাল যোগৰ ফলত শত্ৰুবৃদ্ধি, মানহানি, অৰ্থনাশ আদি হ’ব পাৰে বাবে সাৱধানে থকাটো মংগলজনক৷ বৰপেটা সত্ৰত দেশৰ প্ৰধানমন্ত্ৰী নৰেন্দ্ৰ মোদীৰো বৰ্ষফল গণনা কৰা হয়৷ বৰ্ষফল গণনা কৰি দৈৱজ্ঞই কয় যে ১৯৫০ চনৰ ১৭ ছেপ্টেম্বৰত গুজৰাটত জন্মগ্ৰহণ কৰা নৰেন্দ্ৰ মোদীৰ ২০২৭ চনৰ ৬ ডিচেম্বৰলৈ মংগলৰ দশা চলি থাকিব বাবে শুভফল লাভ কৰিব৷ বৈদেশিক ক্ষেত্ৰতো ভাৰতবৰ্ষই সুফল লাভ কৰিব৷ জন্মফল অনুসৰি পুনৰবাৰ মোদীয়েই জয়ী হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
