অসম লাইভ২৪ঃ বৈদিক পঞ্জিকা অনুসৰি মলমাহ আৰম্ভ হৈছে ১৮ জুলাই ২০২৩ৰ পৰা। মলমাহ হিন্দু ধৰ্মমতে ভগৱান বিষ্ণুৰ উদ্দেশ্যে নিবেদিত। ১৮ জুলাইৰ পৰা আৰম্ভ হৈ ১৬ আগষ্ট লৈকে চলিব মলমাহ। চতু্ৰ্থ মাহটো এইবাৰ মলমাহ পৰিছে। এই মাহতেই যোগনিদ্ৰাত থাকিব ভগৱান বিষ্ণু। এই সময়তেই তেওঁৰ দয়া ভক্তই লাভ কৰে। সেয়ে মলমাহত নাৰায়ণৰ আৰাধনা কৰিলে সমস্ত পাপৰ পৰা মুক্তি পোৱা যায়। এই সময়ত বিষ্ণুক তুষ্ট কৰিলে আৰ্থিক কষ্ট দূৰ হোৱাৰ লগতে শ্ৰী হৰিৰ আশীৰ্বাদ পায় বুলি বৈদিক পঞ্জিকাত উল্লেখ আছে।
মলমাহত ঘৰত কিয় শুভ কাম কৰা নহয়?
সনাতন ধৰ্ম মতে মলমাহত বিয়া, গৃহপ্ৰৱেশ, উপনয়নৰ দৰে কোনো শুভ অনুষ্ঠান কৰা নহয়। জ্যোতিষ গণনা অনুসৰি এই দুটা মাহ ধনু ৰাশি আৰু মীন ৰাশিৰ বাবে বিশেষ। এই মলমাহত দান কৰিলে শুভ বুলি জ্যোতিষ শাস্ত্ৰই কয়। ইয়াৰোপৰি মলমাহত দৰিদ্ৰ সেৱা বা নাৰায়ণ পূজা কৰিলে বিষ্ণুয়ে বিশেষ আশীৰ্বাদ দিয়ে। এই আশীৰ্বাদতেই সংসাৰত সমৃদ্ধি বাঢ়ে।
মলমাহত এইকেইটা কাম কৰিবই
শ্ৰী হৰিৰ আৰাধনা
মলমাহ হৈছে বিষ্ণুৰ মাহ। এই সময়ত প্ৰতিদিনেই ঘৰত নাৰায়ণ পূজা কৰিব লাগে। ইয়াৰোপৰি বিষ্ণুৰ মন্ত্ৰ দৈনিক জপ কৰক। মলমাহত বিষ্ণুৰ নামত যজ্ঞ কৰাও শুভ। এই সময়ত যদিও কোনো শুভ কাজ কৰিব নালাগে কিন্তু তাৰ মাজতেই মলমাহতেই বিষ্ণু আৰু লক্ষ্মীৰ আৰাধনা কৰাটো শুভ।
ধ্যান কৰা
মলমাহত আপুনি ধ্যান আৰু জপ কৰিব পাৰে। ইয়াৰ ফলত আপোনাৰ চাৰিওফালে পজিটিভ এনাৰ্জী প্ৰবাহিত হ’ব। ফলত জীৱনত সুখ আৰু সাফল্য লাভ কৰিব।
বিষ্ণু সহস্ৰনাম জপ কৰক
মলমাহত বিষ্ণু সহস্ৰনাম জপ কৰাটো অত্যন্ত শুভ বুলি কোৱা হয়। ইয়াৰোপৰি তুলসী গছৰত প্ৰতিদিনে গাখীৰ পানীৰ মিশ্ৰণ তৈয়াৰ কৰি অৰ্ঘ্য দিয়ক। ইয়াৰ ফলত আপোনাৰ মনৰ ইচ্ছা পূৰণ হ’ব।
তুলসী মাটিৰ তিলক
মলমাহত শ্ৰীবিষ্ণুৰ ওপৰিও তুলসী গছৰ পূজা কৰক। এই তুলসী মাটিৰ তিলক নিজৰ কঁপালতো লওক। হিন্দু ধৰ্ম অনুসৰি তুলসী নাৰায়ণৰ অতি প্ৰিয়। প্ৰতিদিনে কঁপালত তুলসী মাটিৰ তিলক লগালে স্বাস্থ্যও ভালে থাকে।
ব্ৰজভূমি ভ্ৰমণ
মলমাহত ব্ৰজভূমি অৰ্থাৎ মথুৰা আৰু বৃন্দাবন ভ্ৰমণ কৰা অত্যন্ত শুভ। ইয়াৰ ফলত প্ৰচুৰ পূণ্যলাভ হয় বুলি বিশ্বাস।
শ্ৰীহৰিৰ এই মন্ত্ৰ জপ কৰক
বিষ্ণু, নাৰায়ণ, কৃষ্ণ, গোবিন্দ, দামোদৰ, হৃষিকেশ, কেশৱ, মাধৱ, জনাৰ্দন, গৰুধ্বজ্জা, পীতাম্বৰ, অচ্যুত, উপেন্দ্ৰ, চক্ৰপাণি, চতুৰ্ভূজ, পদ্মনাভ, মধুৰিপু, বাসুদেৱ, ত্ৰিবিক্ৰম, দেৱাকীনন্দন, শ্ৰীপতি, পুৰোষোত্তম, বনমালী, বিশ্বম্ভৰ, পুণ্ডৰীকাক্ষ, বৈকুণ্ঠ্য দায়িত্যৰি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
